أنا اللي لافزع قلبك أصير في داخلي مفزوع ..
وأنا اللي لاعنت رجلك كأني صرت متعني ..
وأنا اللي لو تبيني [ ماء ] أجيلك يالغلا [ ينبوع ]
عيونك لو تبي أحلف وأنا ظميان يسقني ..
تجافيني وتهجرني .. وأصبر قلبي المفجوع ..
وأحاول أخفي الدمعه عليك !! ولو ضحك سني ..
واذا ذنبي جعلت أسمك على كف الحشا مطبوع ..
ذنوبي هي عيوبي لو أتوب أكيد يشقني ..
تحسب اني وأنا أجيلك من جذوع الشجر مقطوع ..
أنا وان كنت ماتدري ترى جذور الشجر مني .....
واذا كان الزعل [ مزحه ] طلبتك قفل الموضوع ..
ترى بعض المزوح جروح بالخافق يكوني .......
وأنا بصبر على ظلمك .. وأقول أن الزعل مرفوع ..
ولكن أترك أفكاراّ ... تحاول تبعدك عني .