طال المدى وابطت عن الموعد الشمس
وعيت تنومسني حروف القوافي
قم وإلعن الشيطان ياهاجسي وإمس
يا كثر ما ابلعها واردد عوافي
لاهنت ياليلٍ تضايقت بك امس
علمتني شيٍ عن البال خافي
عرفت فيك الذيب الامعط من النمس
وعرفت وقت الضيق وجه السنافي
كل الوجيه البارحه اصبحت عمس
ما اشوف احد قدمي ولا احدٍ خلافي
تعكر العد العذي بعد مالمس
يا عد.. في وقت الرخآ كنت صافي
ربع الهنا والهرج والضحك والرمس
تشابهوا مع لابساتالغدافي
من عقب علو اصواتهم عودت همس
وعقب التراحيب فرحوا بانصرافي
ليه الندم؟.. ليه اظرب الخمس بالخمس
الحمد لك ياللي عن الخلق كافي
بان الصحيح اللي ستر عيبه الطمس
ومن بعدها يالوقت هاك اعترافي
ما جارني الا عبااتي من الشمس
ولاَ ادفاني فبرد الشتا إلا لحافي