وقت الضيق والحسره يوم الهم يطويني
تحس بلوعتي وهمي تعيد البسمه لشفاتي
ولما الحزن وغرباله بتالي الليل يبكّيني
بكفّيها تزيل الدمع تخفف لوعة آهاتي
ويوم الشمس تحرقني تعذبني وتظميني
ويوم الريح تشتتني تغيرلي مساراتي
تجي أمي تلملمني بكل حنيّه ترويني
تواسي قلبي العاني ليا ثارت معاناتي
تجيني شوق تجيني ذوق تجيني ضحكة سنيني
تجيني والفرح معها تجيني والفرح ياتي
تحاكيني تواسيني تبدل كل مافيني
معاها ينشرح صدري معاها أسعد أوقاتي
يايمه يافرح هالكون يايمه يانظر عيني
من الله مطلبي واحد أقوله في صلاواتي
من عيونك ومن عطفك عسى ربي لايخليني
فديت العين يايمه يا أجمل حس في ذاتي