ما بقى في محجر عيوني دموع
جفت أمواق الجفون السايبه
من بعد فرقاك أشعلت الشموع
وانتظرت بشوق وصل الغايبه
كم بكيتك يا الوله بكي الخشوع
في طرف كم الليالي التايبه
وين كنز(ن) قد غدا حلم القنوع
يوم ينشد وش يدينه جايبه
واستفاق وبان من خلف الجزوع
يوم ترجع له يدينه خايبه
اختفت مثل الظلام ألي يروع
وحشته في قلب دايم هايبه
ومن بعد ما أعلن الفجر الطلوع
جيتي أقسى من جوارح ذايبه
ليتها ما كانت أنوار الرجوع
وليتني شيخ الفراق وشايبه
لأبتعد عنك ... وأثري بالدموع
بأتركه خلفي .. خريطه نايبه