عسى مزن السحاب اللي هماليله سنينً طال
ـــــــــــــــــــ برد / نزله على جسمً حظنه القبر بـ ترابه
عسى همالها ، يحيي نبات القبر لامن سال
ـــــــــــــــــــــــــــــ وينبت فوقه انواع الورود وكل ماجابه
الا ياقبر ، لو تدري عن الي داخلك لازال
ــــــــــــــــــ عيون الناس من دمً بكت في لحظة غيابه
الا ياقبر لو يدري وش الي في غيابه مال
ـــــــــــــــــــ بكت عين اليتيم الي بكى من لوعة اقرابه
بكت عين العظيم الي تحمل حمل ماينشال
ــــــــــــــــــــــــــــ بكى من حر ماشافه وقتً كشُر انيابه
بكت عين الكبير الي على متنه حمول جبال
ــــــــــــــــــــــــ بكت عينه من اهوال الزمن والناس كذابه
الا ياقبر انا ابشكي عليك الي عجز ينــقال
ـــــــــــــــــــ بصوت الشعر انا اترجم شعوري الي مايدرابه