جراح الحيان
السلام عليكم ورحمة الله وبركاته
مشكور على طرح هذا الموضوع , والذي أكل عليه الزمان وشرب..!!
وللعلم الذي رد على الشاعرين الهاجري وابن قضعان اسمه ثواب وليس محمد
ليس هذا هو محور حديثا , ولايهمني معرفة اسمه..!!
ومادمت قد تطرقت لهذا الموضوع
فهذا هو رد الشاعر ضيدان بن قضعان على ثواب الحارثي
حسبـي الله علـى اللـي يـاثـواب=مـايـقــدر شــعــور الآخــريـــن
لاطـرت لـه خـطـا والا صــواب=جـابـهـا فـــي لـعـنـة الـوالـديـن
واعتبرها مـزوح وضحـك نـاب=فـجـعــة المـؤمـنـيـن الغـافـلـيـن
يالله انــي دخيـلـك يــوم غـــاب=وازع الـديـن فالـقـلـب المـتـيـن
والـحـق الحضرمـيـه للـنـصـاب=في رضا النفس وابليس اللعيـن
والــعــذر بيتحـمـلـهـا عــقـــاب=هـقـوة الـقـوم والقـاسـي يلـيـن
يحسـبـن كــل خـلـق الله ركــاب=للحـمـل كــل وقــت وكــل حـيـن
مـادرى ان الجـهـد كـلـه هـبـاب=مايـوصـل حـــراوي الاربـعـيـن
كيـف يالحارثـي ترضـى يصـاب=مـسـلــمٍ مـايـضــر المسـلـمـيـن
مـن فشـق بندقـك ذاك الـزهـاب=الـمــطــوّر بــنـــار وبـانــزيــن
ودك الـلـي رمـيـت وقـلــت داب=لــو خــذا بـنـدقـك عبدالمـعـيـن
ماعرف إلا انت والحقك العتـاب=والـمـلامــه بـسـلــم الـعـارفـيـن
لا مسـلّـم ولا ابـغـا لــك جــواب=يـقـطـع الله وصـــل القاطـعـيـن
وش لـي بواحـدٍ غـيّـب وجــاب=مـوت ضـيـدان بـيـن القريتـيـن
اقصـر الـهـرج يـامـال الـذهـاب=جعـل تسفـا كمـا يسفـا الطحـيـن
انــت وحــدك ومعتـقـة الـرقـاب=ربـعـك الـلـي يــروون السنـيـن
ياعسـى الـنّـو نـفّـاض الـربـاب=سامر البـرق مصحـوب الحنيـن
يسقـي ديـارهـم لـيـن الهـضـاب=تكـتـسـي مـايـســر الـنـاظـريـن
وتزهـر الخلـد وتسيـل الشـعـاب=قولـوا آميـن يـاأكـرم الأكرمـيـن
اسـق ديـرة عزيـزيـن الجـنـاب=الـجـيـاشـه كــعـــام الـعـايـلـيـن
لابــــــةٍ لاتــــــذل ولاتـــهـــاب=تـكـرم الضـيـف وتـعـز الزبـيـن
مـن شيمـهـم يحـلـون الصـعـاب=مقـطـع الـحـق مـابـيـن الثّـنـيـن
لو دروا عن علوم ابـو الشبـاب=سامحونـي ولــو ماقـلـت شـيـن
بعض الاشياء مثل روس الحراب=مــايــداوا وجـعـهــا بـالـونـيــن
يـاثـواب انتـبـه لــي والـثــواب=والأجـــر عـنــد رب العالـمـيـن
والإثـم ذنـب صنـعـه واكتـسـاب=يكـسـبـه صالـحـيـن وفاسـقـيـن
وانـت كسبـك بلـغ حـد النصـاب=كسب شـارون فـي مخيـم جنيـن
ويغفـر الله لمـن اصـلـح وتــاب=ويتسامـح عـن الذنـب أجمعـيـن
بـس انـا عبـد مـن مـاء وتـراب=ماتسامـح ولا أسمـح ليـن ابيـن
واتبيّـن وسيـفـي فــي الـجـراب=واثبـت الحـق لـو احلـف يمـيـن
وانت يلزمـك تثبـت لـي الكتـاب=كـاتـبـه مـيــن وممّـلـيـه مــيــن
واثبـت انـت بنجومـك للحسـاب=وهــات لــي شاهـديـن عادلـيـن
وهــات لــي حجتـيـن ماتـشـاب=بالجرب مـن يسـار ومـن يميـن
الاولـه حــق والاخــرى عـقـاب=وكــل حـجـه علـيـهـا شـاهـديـن
والا بـع رفقتـي والقـاف شــاب=وغير فرض الكفايه فرض عين
واذكــر انــي هجـرتـك يـاثـواب=فـي قضـا دم قلـب ودمـع عـيـن
مالـك وفـكّ بــاب وصــك بــاب=وش حياة الحسن عقب الحسين
تحياتي
