ليت عقب الفراق المر ماجاء وصـال
وليتي أخفيت مابّديته بـ/ جنح ليـل
ليل لكن فَرَق عن غيره مـن الليـال
جاء ثقيل .. وعلى ثقله كئيب و طويل
يوم جينـا وجبنـا للمعاتـب مجـال
قلب عّود عليل / وقلب عّـود قتيـل
ضّيع إعلومنا علومً عـراضً طـوال
وإنتهينا مـن اللقيـا بليّـا حصيـل
ما ذهنت بـ/ حياتي لين حّل المحال
بعد ماكنت أظـنّ فراقنـا مستحيـل
ما يمّر البنـادم مـن عنـا للـزوال
والعنا الباقي : فراق الخليل الخليـل
آتحمل .. ولا لي فالهمـوم إحتمـال
وآتصّبر.. ولا عيّنت صبـر ٍ جميـل
بعد ما مر بي في بُعد بنـت الحـلال
ما طرى لي أحصّل فالمحّبـه سبيـل
ما بقى من أثـر خطواتنـا فالرمـال
مرّها عصف ريح ومرها جَرَف سيل