صبااااااااااح النووووووووور
انا تايه قلبي ورى الحب مدري ليش
وانا ذايقاً من سبته كل الأوجاعي
ويا صاحبي قلبي تعامل معه بشويش
اخاف يتفجر من ورى حدب الأضلاعي
انا بيني وبينك موده وملح وعيش
ومن شان كل اللي مضى قدّر اوضاعي
ترى لو تفارق دنيتي مستحيل اعيش
بدونك حياتي كلها مالها داعي
انا مستعد اجيك لو كان دونك جيش
وعلشان شوفك لا تخاذل ولا ارتاعي
تحمّلت صعبات المواقف وحملك ريش
اغامر على لقياك لو تقطع ذراعي
وتقابلني بثقل وتغلي ومدري ويش
أجل ليش تجعل قلبي انصاف وارباعي
مثل ما حصل بين الصحابه وبين قريش
حصل مع ضمير لا توفّق ولا انصاعي
ارده واحربه عن طريقك ولكن بيش
بعزم الضعيف اللي من الوقت منّلاعي
فحرام تسوي في قناة الغلا تشويش
اذا صرت تفهم قيمة الحب وتراعي