مدري وراك اتبدل الدار بالـدار
والا تبي قطع المواصيـل مّـره
ان كان يوم اقفيت في حالتي بـار
في ذمتـي مانتـه بويـا المبّـره
وان كان عذرك قدر الله وماصار
مانيـب للمقفيـن تبـاع جّــره
والله لا اجنّب واتعرض للاقـدار
وعلمي يجيك مع النجوع وتحّـره
لو ان لك حشمه وقيمـه ومقـدار
مانيب في ثوبـك زرار ٍ تـزّره
اللي دعاك تواجه الصد باعـذار
يعطيك من خيره ويكفيـك شّـره
الا الكرامه لا دعا الماقف الحـار
تراني اسما من نجـوم المجّـره