لا..لايغرك كثير الصمت وسكاتي ،،
.......... خل المشاعر تقول آآآآه واسألها
يسكني الحب .. واضح من عباراتي ,,
.......... وش عاد لجلك حروفي .. لو أذللها
عذبني الشوق واسرفت بخيالاتي ,,
.......... نفس ٍ ٍ تحبك دخيلك ليه .. تهملها !!
ياليتك إشوي تشعر في معاناتي ,,
.......... دنياك يمكن عليك تضيق .. باكملها
الحزن كنه سفيري في علاقاتي ,,
.......... والهم خيّم على حالي .. وطولها
اغديت دربي وتاهت فيك خطواتي ,,
.......... كل المواعيد .. مدري ليش تجلها !!
سنين احاول وضاعت كل حيلاتي ,,
.......... ماتدري اني ( حياة الذّل ) ماقبلها
لجيتك أسال وادوّر فيك ضحكاتي ,,
.......... كنك تعمد بيديك اليوم .. تقتلها
لا تترك الظن يلعب باحتمالاتي ,,
.......... الكلمه اللي تحزّ بخاطرك .. قلها
تعال شفني وحس بحال لوعاتي ,,
.......... كن الدقايق بدونك عااام مطولها
متى التباشير بقدوم ( الغلا ) تاتي ,,
.......... فرحة زماني بشوفك ما .. تخيلها !!
خلاص صبري تعدى كل هقواتي ,,
.......... اتعبت نفسي ( اعزيها .. وعللها )
ابيك تنسى وتدمح كل ( زلاتي) ,,
.......... بعض البشر صعب .. مانقدر نزعلها !!
والحين جيتك ابمسح كل غلطاتي ,,
.......... دنياي دونك .. وربي ماتحملها