مصافحه أولى
أتمنى أن ترتقي لذائقتكم
ياموسع ثيابي عسى ثيابك وساع=وماسل حالي ياعسى سل حالك
ياهيه ياللي من ورى حدب الأضلاع=اللي جرالي بالهوى هو جرالك ؟؟
ياكم سهرت الليل والناس هجّاع=يدوي خيالي يالغضي مع خيالك
أنت الدوى من كل همي والأوجاع=ياجعلني ماأعتاض فيك وبدالك
ياعين من يهوي من الجو للقاع=وياعنق ريم دون صيده مهالك
ياسيف مقدام على الضد شلّاع=وياصعبة عيت تطيع المسالك
يامرحبا مليون ثم أرحب السّاع=من قلب من شفّه رضاك ووصالك
وسلامتكم