صباح الخير ..
لاصارت الدنيـا زحـام وجمهـره
أبحث عن الحكمه بقدر المستطـاع
الصمت حكمه في زمـان الثرثـره
واجمل حضور إتقان فن الإستمـاع
كثر الحكي نقصـان مافيـه اثمـره
تبقـى معـه رهيـن لاول إنطبـاع
بين الأمان وبيـن سـور المقبـره
كلمـه ترددهـا بلحظـة إنـدفـاع
ماتجتمع بيـض الليالـي المقمـره
مع سودها إلا في الخيالات الوساع
وما للعفو ميـزه بـدون المقـدره
وما للظلام الوان في وهج الشعـاع
مـن لايـدور للخطايـا مـعـذره
تضيق بـه دنيـاه رغـم الإتسـاع
ومن لايجود وكل شـي يستكثـره
يُكتب في التاريخ من سقط المتـاع
ماهو جديـد اللـي اقولـه وانثـره
ولاهو طلاسم سحر أو سر(ن) يذاع
قالـوه بيضـان الوجيـه المسفـره
ماقلّ دلّ وكل مركب لـه شـراع
منقوول