الجزء الســـــــــــــــــــــــــادس...
شفت راكان .. مسحت دموعي .. وقربت له .. كان يدق الجرس ..
ميساء:راشد لحظه حبيبي ..
ميساء:هلا راكان ..
راكان:هلا ميوسو ..
استغربت:كيف عرفت اسمي ؟؟
راكان:عرفت..
ميساء:لا من جد انا ما قلت لك اسمي .. كيف عرفت؟؟؟
راكان:تتذكري اول ما وصلتي لشرقيه ..
غمضت عيوني وتذكرت هيفا.. نزلت دموعي..
راكان:كلمتي راشد وقلتي انا ميساء ..
سكت راكان يوم شافني اصيح ..
راكان:ميساء وش فيك ؟؟؟
ميساء:هاه ولا شيء..
راكان:لا والله فيكي شيء..
ميساء:لا مافيني .. بس عيوني حساسه .. دخل فيها تراب...
راكان:لا تكذبي ..
ميساء:وليه اكذب؟؟؟
طلعت المفتاح من الشنطة .. وفتحت الباب...
ميساء:راكان اسفه ما اقدر ادخلك الشقه ... بس لحظه ..
ورحت وانا اكلم راشد ورجعت واعطيته بور هورس..:خذ..
راكان:ههههههههه انتي متى يخلص البور هورس حقك؟؟
ميساء:هههههههه لا انا مايخلص.. احبه .. وعلشان كذا مشتريه كرتون ..
راكان:بس ترى مو حلو لك..
ميساء:لا بس كلام .. ايش شراب عادي ؟؟
راكان:لا يأثر عليكي بعدين ..
ميساء:خله على كيفه ... المهم انا احبه ..
راكان:لا انتي ما تحبيه .. راشد يحبه ..
ميساء:وكل شيء رشوودي يحبه انا احبه ..
راكان:احسه خويك..
ميساء:ههههههههه لا لا .. راشد اخوي.. "ورجعت اكلم راشد"صح؟؟
فتحت الميك .. وصار راشد يكلم راكان..
راشد:هلا راكان ..
راكان:هلا راشد ..
راشد:كيف الحل؟؟
راكان:بخير كيفك انت ؟؟؟
راشد:ما دام ميساء بخير انا بخير...
راكان:لا ميساء الحمد لله بخير..
راشد:ايه مو انت الخير والبركه .. كل يوم جايب لها اكل.. شكل البنت سمنت ..
ميساء:هههههه لا لا باقي وزني مثل ما هو.. والله ذكرتني .. ابي اشتري ميزان .. ولا اقول .. راشد خل خوله تروح لبيتنا وتجيب لي الميزان وتعالوا زوروني ... مافيه احد يزورني هنا الا المزعج راكان ..
راكان:ههههههههه الحين انا مزعج ...
ميساء:تخيل راشد والله بعض الاوقات اصحى على الجرس.. واكيد مافيه غيره راكان ..
راكان:ههههههههههه المهم .. خذي عشا ..
ميساء:هههههههه توني متعشيه في دارين .. حرام عليك.. والله شبعانه..
راكان:ما لي دخل..
راشد:يووه ميساء خذي من الرجال..
ميساء:ما ابي .. والله المطبخ مليان.. كله اكل..
راكان:تسمين الي تاكلينه اكل؟؟
ميساء:اجل ايش هو؟؟ لا يكون حيوانات...
الكل:ههههههههههههه
راكان حط الكيس عند رجولي:خذي وارميه.. يالله باي..لحظه كيف المدرسه .؟؟؟
ميساء:حلوه .. من جد كان هم على قلبي ما تعجبني.. بس الحمد لله تجنن ..
راكان:اها .. اوكي باي..
ميساء:باي..
دخلت ,, وكلمت راشد .. وطلبته يجي للشرقيه .. ابي اشوفه .. ويجيب خوله معه.. يوم الاربعاء بعد بكره بيجي ... استانست ..
على الساعه تسعه .. فتحت التلفيزون .. وصرت اتفرج .. وبعدها رجعت انام ..
الصباح مثل امس.. بس راكان جاب الفطور على الساعه سته بالظبط .. اخذت الفطور منه .. وسولفت معه .. وبعدها رحت للكافي .. وبعدين للمدرسه ..
في الفسحه ...
كنت قاعده مع الجازي ورنا وعليا ونوف ... نسولف ونفطر...
شوي سألتني نوف:ميساء انتي ميساء ايش؟؟؟
ميساء:ميساء عمر الـ,,,,,,
الكل طلعت عيونه..
رنا:ميساء لا تستهبلين ..
ميساء:والله .. ليش يعني اقول اسم غير اسمي؟؟؟
رنا:ايش الدليل؟؟
طلعت البوك من جيب البنطلون(الى الان ما اشتريت مريول)وطلعت كرت المستشفى..
ميساء:شوفي,,,
عليا:ميساء انتي بنت عمر الـ,,,,,,؟؟؟
ميساء/ايه بنته.. ليه؟؟
رنا:عمر التاجر .. صاحب الشراكات.. وصاحب شركه الـ,,,,,
ميساء:ايه .. هذا بابا..
الجازي:بصراحه مفاجأه.. ايش جابك مدرسه خايسه مثل هذي؟؟؟
ميساء:ههههههههه لا انا جايه للشرقيه ... زياره .. ما بطول هنا .. شهرين يمكن .. وبنت خالي قالت ان هذي المدرسه قريبه من بيتنا .. فدخلتها ..ليه يعني يضايقكم وجودي؟؟
الجازي:لا بالعكس انا مره ارتحت لك .. والحمد لله اني تعرفت عليكي..
ميساء:والله اني انا الي مفروض احمد ربي على الصديقات الي مثلكم ..
المهم سولفنا .. ولا جابوا سيره لنسبي ولا لفلوسي..
رجعت البيت.. قبل لا ادخل الشقه .. شفت راكان يقرب مني... واعطاني الغدا .. سولفنا.. وبعدها انا دخلت تغديت.. وحليت واجباتي.. لبست سبورت وطلعت علشان امشي شوي..
وطول الوقت وانا اصيح ... قعدت .. الى اذان العصر ... وبعدها رجعت للبيت .. اخذت لي شوكلاته وبايسن ... تذكرت يوم انا في البيت ... كنت اكل واشرب واروح واجي .. ولا اهتم كم صرفت ولا كم باقي.. والحين .. اااااه تغير الوضع ...ابي اسولف.. مع احد .. افففف بس مع مين ؟؟؟
خليني اعزم الجازي على بيتي بكره .. نذاكر مع بعض..فكرت فيها.. والله حلو .. واعزم رنا ونوف وعليا معها ... ايه حلو... افففففففف لازم ارتب الشقه .. شغلت التلفزون على قناة نجوم .. وصرت اشتغل .. وارتب وانظف .. خلصت تنظيف على اذان المغرب.. اخذت شور ونطيت على السرير ... افكر.. في كل شيء حولي.. واول شيء جا على بالي راكان...تذكرت كيف كان اول ما تعرفت عليه ... وتذكرت كيف هو مهتم فيني ... وتذكرت كيف هو الوحيد الي مونسني .. تذكرت اشياء كثيره .. من اول مره يجي لشقة ومعه الاكل... الى اليوم ... تعودت على سواليفه الرسميه اكثر الاحيان .. تعودت على مزحه ... ضحكته ... امممممم كل شيء في راكان حلو..شكله ... لبسه ... جسمه ... وعيونه ... عيونه لها كتاب لحالها ... عذااااااب ..رموشه طويله ... عيونه سماوي على عسلي ما ادري كيف اوصفها ...تحتاج سطور واوراق ,,,,تذكرت شيء نسيت عنه ... تذكرت اسأل راشد ماما وبابا رجعوا من السفر ولا لا؟؟؟ اكيد بيرجعون من السفر علشان كلام الناس ... يوم دخلت البيت مريت من غرفه ماما لقيت الكوفيره عندها تسوي لها ميك اب...تعتقدون انها ممكن تحس اني غبت ؟؟؟شوفوا خوف اخواني علي ... صار لي مدة وما رجعت البيت ..شفتوا كيف خايفين .. ولا شوفوا الجوال الي منحرق من الاتصالات منهم يترجوني ارجع ...هههههههههه شكلي بديت احلم .. من متى بيسالون ويني؟؟؟... ومن متى بيقولون لنا اخت وينها؟؟؟
صحت على حالنا ... الى متى ؟؟ الى متى وانا اطلبهم شوي حنان واهتمام ... صحت وصارخت:الى متىىىىىىىىىىىىىىىىىىىىى
وضليت على الكنبه اصيح ...
قمت على الساعه 12 ليل.. افففف انا نمت هنا ... أي جسمي متكسر .. يووه جوعااااانه ... بس ايش اكل ؟؟؟ اففففففف كل المطبخ حلويات ... متى بس انقل للشقه الجديده واشتري كل شيء ... يوووه .. خليني اروح البس أي شيء واخذ شنطتي واقعد الف حتى اروح للمدرسه .. يووه بس عيب اقوم غانم من نومه.. يووه لو كان ناصر باقي معي كان عادي.. بس هذا مع زوجته واهله.. خليني انطم الى الساعه ثلاثه وبعدها اروح امشي شوي على الكورنيش.. فتحت التلفزون .. ومن جد طفش .. فكرت .. اتذكر يوم كنت في الرياض كانوا الشباب يجيبون لي هدايا .. طيب ليش ما اكمل هنا ... وبكذا اكون ربحت شيئين .. تسليه وقت .. وهدايا الي ممكن ابيعها ... والله فكره .. طلعت جوالي .. يووووه كل الي اعرفهم بالرياض.. خليني اكلم خوله واشوف ايش صار معها..
اتصلت.. انتظار ... مين تكلم هذي تالي الليل...هههههههه اكيد باقي مثل ما هي... وعلى طول سكرت وردت علي..
خوله:هلا والله بحلوه البحرين..
ميساء:ههههههههههههههههه أي بحرين الله يخليك ؟؟ انا في الشرقية ..
خوله:ايش؟؟ راشد يقول سافرتي للبحرين ؟؟؟
ميساء:هههههههههه لا انا الي قلت له يقول لك.. بس اسمعي السالفه..
وقلت لخوله كل شيء .. من اول ما جيت لشرقيه الى اليوم .. قلت عن كل شيء .. راكان وساره وصديقاتي الي تعرفت عليهم ..
خوله وهي تصيح:ويعني انا اهون عليكي؟؟؟
صحت معها:خوله والله انا تعبانه ... خلاص زهقت من حياتي.. ابي اخلص هالسنه .. وخلاص.. ارتاح بسافر بريطانيا اكمل هناك..
خوله:ميساء ليش ما قلتي لي؟؟ على الاقل اجي معك..
ميساء:خوله .. انتي اهلك مو مثل اهلي.. اهلك بيسألون وينك؟؟ ومتى ترجعين؟؟ اما انا الى الان ما اتصلوا حتى.. شفتي الفرق..
خوله:ميساء بجيك..
ميساء:انا قلت لراشد ياخذك وتجين عندي يوم الاربعاء بعد بكره..
خوله:لا بكره بجيك..
ميساء:لا بكره البيت مليان بيجوني صاحباتي..
خوله:هههههههههه ما مداك على طول حفلات ..
قلت بحزن يقطع قلبي:ااااااااه يا خوله .. حتى الضحكه بعد الغاليه تنحسب علي؟؟؟
خوله:اسفه ميساء والله ما كان قصدي..
ميساء:لا عادي.. بس اقول ابي اغراض من البيت .. ابيك تجيبينها..
خوله:امري..
وقلت لخوله الطلبات وسولفنا الى الساعه ثنتين ..
سكرت.. شوي دق جوالي.. ناظرته.. ضحكت بستهزاء.. توه يتذكر.. خليني ارد اهزء شوي..
ميساء:.....
احمد:الوو..
ميساء:هلا والله بالأخو الي يتصل ويسأل عني..
احمد حس بنبره استهزاء من صوتها:هلا ميساء كيفك؟؟
ميساء:يهمك؟؟
احمد:ايه..
ميساء:بخير .. بس ناقصني شوف الغاليه..
احمد:الكل مفتقدها..
ميساء:كذاااااب ... الكل .. متى عرفتوا هي بخير ولا لا؟؟؟ لو ما رحت انا غرفتها كانت جثتها تحللت وصارت تراب.. لا تقول مفتقدينها..
احمد:ااااااااااه يا ميساء ... تعبت خلاص كافي..
رديت وانا اصيح:ايش الي كافي؟؟؟ انت مو مهتم .. اهم شيء الشباب... والسهرات والكسرات ... واذا تعب ابو فيصل المطرب على قولتك سويتوا البلاوي .. اما اختك الي من لحمك ودمك .. فيها القلب وانتوا رامينها ورا ظهوركم ... كافي يا احمد لعب... تبي تمثل .. مين قاعد جنبك؟؟؟ خلني اكلمه واقول انك قد ايش متأثر بوفات الغالية.. خليني امثل معكم .. يمكن اعيش واقرب منك... انتوا تسموا انفسكم اخوان ؟؟؟ عمرك قد شفت اخوا ما كلم اخته اسبوع ؟؟؟ ماسمع صوتها اسبوع ؟؟؟ انتوا على الاقل اخوان ما نلومكم.. ماما.. ماما الي تركتنا مع المربيات.. كنت اتمنى انها تحضني.. كل ما اصيح تجي المربيه تسكتني.. وماما بس تعطي فلوس.. صح انها تقعد معنا .. ولكن بسألك كم مره حضنتك؟؟ كم مره بكيت بصدرها؟؟؟ بالله يا احمد كم مره تمنيت ترمي همك عليها .؟؟ كم مره تمنيت تعيش مثل خلق الله؟؟ تدري انا كم مره هالأمنيات تمنيتها؟؟؟.. من اول ما عرفت ان الفلوس زيف .. بس اوراق .. تشتري كل شيء.. كل شيء .. الا شيئين.. تعرف ايش ؟؟ السعاده والمحبه.. تمنيت القاء احد يسلفني او يبيع لي المحبه .. ابي احس بالبيت بشيء يجمعه اسمه الحب.. ضحكت على نفسي اكثر من مره وقلت ان الفلوس اهم من كل شيء.. بس الحين تأكدت من ان الفلوس ارخص شيء.. الفلوس تضيعك ... الفلوس تخليك تبعد عن الله .. عن اخوانك .. عن اهلك.. تمنيت اني اقدر اسوي شيء ... حاولت .. وسويت الكثير.. بس الحين اتوقع مثل ما راحت الغاليه انا بروح معها..
احمد:ميساء والله تعبت .... خلاص ....
ميساء:اتعب .. من متى واحنا أصلا ما شفينا.. كلنا امراض.. اتوقع شيء واحد في الدنيا بيخليني اعيش سليمه من الامراض .. هو اني ابعد عنكم ... اتمنى انكم تنسوني .. اتمنى انكم تعرفون اني كنت ولازلت اكرهكم.. احمد وصل رساله لنفسك.. ان ميساء مهما رجعت او بعدت .. بتضل ميساء الي بتكره شيء اسمعه احمد وسعود وللأسف اغلى اثنين .. بابا وماما.. سلم على الجميع..
احمد:ميساء وين انتي؟؟
ميساء:ههههههههههه توك تتذكر تسأل.. واصلا يهمك؟؟
احمد:ميساء انتي اختي..
صرخت:بالورق .. بالإسم.. ميساء عمر الـ,,,,, اخت احمد عمر الـ,,,,, بس خلاص لا تضحك على نفسك زياده..
احمد:ميساء لازم اشوفك..
ميساء:بتشوفني اذا مت مثل هيفا..
احمد:ميساء انتي في بيت خوله؟؟
ميساء:احمد سلم لي على الجميع... باي..
وسكرت عنه.. واتصلت على راشد..
وبعد محاولات رد بصوت يقطعه النوم:الووو..
وانا اصيح:راشد تعال بسرعه لشرقيه..
فز راشد:ميساء وش فيك؟؟
ميساء:تعال بسرعه ابيك...
راشد:ميساء اهدي.. ميساء اسمعيني قولي لا اله الا الله ..
ميساء:لا اله الا الله..
راشد:وش بلاك؟؟
وقلت له كل المكالمه..
راشد:الله يهديك.. ليش كذا؟؟؟
ميساء:راشد تعبت .. ابيك ابي اشوفك..
راشد:يالله الحين مسافه الطريق وجاي..
ميساء:يالله انا بتظرك...
راشد:والمدرسه؟؟
ميساء:ما بروح..
راشد:طيب..
وسكرت من راشد وطحت على الارض اصيح... تعبت من كل شيء.. معقوله انا كذا؟؟ كيف كلمت احمد كذا؟؟ الحين بيدور علي .. وبيقول لسعود وبتصير سالفه .. بيقلب علي الدنيا..ضليت اصيح على كل عمري ... كيف بعيش؟؟؟ كرهت نفسي.. كرهت اسمي.. كرهت اهلي... واهم شيء كرهت عيشتي..
تكلمت بصوت مسموع:الدنيا كلها الم.. يكفي الي صار لي.. الغاليه كانت تهون علي شوي.. والحين مين ؟؟ ماما .. اضحك على نفسي .. ماما خليها تحضن الفلوس .. ولا يكمن بابا الي ممكن يحضني تمثيل .. ولا سعود الي ولا عمره باسني.. ولا سألني اساعدك في شيء.. ولا احمد الي في ضياع .... كرهتك يا ميساء.. ليش جيتي لدنيا؟؟؟ موتي.. موتي وريحي نفسك..
سمعت الجرس يدق.. استغرب ان راشد وصل بسرعه ... قمت وفتحت الباب بسرعه .. ناظرت الي كان واقف.. رديت الباب وحطيت الطرحه على راسي.. وفتح الباب..
ميساء:هلا راكان..
راكان بإبتسامه:هلا ميساء..
ميساء:كيفك؟؟
راكان:بخير,, كيفك انتي؟؟
اخذت نفس:عايشه..
راكان:يعني مو بخير.؟؟؟
ميساء:من متى وانا اصلا بخير؟
راكان:افا... وش هالكلام؟؟
ميساء:هاه ولا شيء.. بس غريبه جاي نص الليل..
راكان:الصراحه.. كنت ابي اعزمك على الغدا..
ميساء:انا؟؟ليش؟؟
راكان:ابد.. بس كذا..
ميساء:امممم طيب..
راكان:وخذي هذا اكلك.. كليه.. علشانك في الليل ما اكلتي شيء..
ميساء:ههههههههه كيف عرفت؟؟
راكان:عندي احساس يالغاليه .. وما يخطي ابد دام انه تعلق..
ما فهمت كلامه:ايش يعني؟؟
راكان:ابد .. تبين شيء؟؟
ميساء:اممممممممممممم لحظه..
راكان يصارخ:ما ابي بور هورس...
رجعت وبيدي بايسن وبور هورس ورد بول وكود رد:اختار..
راكان وشكله عصب:هذا كله عندك؟؟
ميساء:هههههههههه ايه.. ليش؟؟
راكان:ميساء يأثر عليك..
ميساء:خله يأثر .. ايش كليتي بسوي غسيل ولا ابدلها..
راكان:مو الكليه .. عليك انتي .. ترى مو كويس..
ميساء:هههههههههه لا تصدق كلامهم.. عادي ..
راكان:لا بيأثر عليك..
ميساء:وايش تأثيره؟؟؟<<<قالتها بإستهزاء
راكان:بصراحه شكلك مافهمتي ... يأثر عليك وبيسبب لك العقم..
استحيت.. وحمر وجهي.. هذا كيف يقول كذا قدامي:هاه؟؟
راكان:الي سمعتيه..
ميساء:امم طيب بخفف منها..
راكان:إلا لا تشربي منها احسن..
ميساء:ما اقدر لازم 3في اليوم..
راكان طلعت عيونه قدام:3؟؟؟
ميساء:ايه..انا مدمنه عليها..
راكان:ميساء والله اني اتكلم لمصلحتك...
ميساء:شكراً راكان..
راكان:العفو..باي..
راح راكان وانا ميته من الحيا.. رجعت للغرفه اصيح .. تذكرت هيفا كانت تقول نفس الكلام لي...
مر وقت .. ما ادري كم.. شوي يدق جوالي.. راشد..
ميساء:هلا راشد..
راشد:هلا ميساء .. انتي فين؟؟ في أي شقه؟؟
ميساء:انا في الخبر .. اسم الشقق دوحه الخبر...
راشد:طيب شكراً باي..
وسكر راشد وانا رجعت لدوامتي من الحزن والمعاناه من الفراق..ومرت دقايق .. دق الجرس.. قمت غسلت وجهي .. وفتحت الباب.. ابتسمت يوم شفت راشد:هلا راشد..
راشد:هلا ميساء كيفك؟؟
ميساء:بخير.. انت كيفك؟؟
راشد:بخير.. ادخل ولا نطلع ؟؟؟
ايش راح يصير؟؟؟
وايش ممكن يسوي راشد لميساء؟؟؟
راكان؟؟ واهتمامه لميساء؟؟؟