السلام عليكم ورحمة الله وبركاتة
مصافحة اولى متواضعه
واتمنى ان تحوز على الشئ القليل من ذائقتكم
نقول
الفضل للي في يديه التدبير=حلال امور الكايده ماتحالي
سبحانه الفرد الصمد رازق الطير=رب العبيد اللي عليه اتكالي
ثمن لبو خالد زبون المناعير=اللي فزعلي في لزومن بدالي
عبدالله اللي مايحسب المخاسير=عند الامور الكايدات الثقالي
من شفت وجهه شفت فيه التباشير=وجهن يحل معقدات الحبالي
حكيم راي وياخذ الشور ويشير=عالي مقام ولايحب التعالي
عزالله انه مابدى بالمعاذير=وانه فزعلي ياكرام السبالي
اله الثنا والشكر مع كل تقدير=وترفع له البيضه بروس العلالي
يضحك احجاجه فاليال المعاسير=من روس قومن يحتمون المتالي
والمرجله ماتنشرا بالدنانير=وهب من الخالق عزيزالجلالي
هذي وصل عد وبل الشخاتير=وعلى الرسول اللي ومر بالعدالي
وسلامتكم