[فيصل المريسي]

ظـمـــــــا الوجـــدان

يمين الله ماتقدر تغير ماجرى فيني = ولاتقدر تداوي جرح عذبني مدى الازمان
مدام الجرح في قلبي وناره دوم تكويني = بظل الحاير العاثر اهيم بعالم النسيان
انا مليت من صبري وصبري مل يبكيني = انا مليت من حظي من الدنيا من الانسان
تعبت اردد الاهات ولابه من يواسيني = تعبت وضعت باحزاني وصار الحزن لي عنوان
غدى هالحزن يسكني يكلمني يناديني = ولا من غبت عن حزني احس اني كماالعطشا
احس اني بديت اذبل وحظي دوم يجفيني = ولا ينفع اعيش العمر وقلبي في الهوى ذبلان
في لحظه احس الحزن يجري في شراييني = ويتغذى من عروقي ويسكن في ظما الوجدان
وفي لحظة احس العكس احس انة يعاديني = يعاندني يعذبني من الشريان للشريان
عزاللة انا محتار مدري ويش يرضيني = مدري هو الزمن ضدي ولا صرت انا غلطان
ومدري كم مضى من عمر وكم باقي من سنيني = ومدري لمتى باعيش بين الهم والاحزان
اخذت من الزمن مرة الى من قلت يكفيني = واخذت من البشر صفعه تجاوز قدرة النسيان
وخذت الظلم باشكاله الى من صار يطويني = وصرت بدنيتي مظلوم لا داين ولا ديان
خذتني لوعة الايام تحرقني وتشقيني = وتسقيني متاعبها وتبعد عني الخلان
عرفت اشلون ماتقدر تغير ماجرى فيني = لان الي حصل فيني ابد مامربه انسان


فيصل المريسي