لاتنشد امن الحال في غيبتـك كيـف
ملعـون جـدي والسهـر ممتحـنـي
عقبك نزل هم البشر فالحشى ضيـف
عشرة عمر واصبـح رفيقـي ومنـي
شوفتك منوره لو على مقبض السيف
وكيف الفقير ايعيـش لـولا التمنـي
صدقت فيني هـرج ناسـن ملاقيـف
ليـن اخلفـو ظنـك وخيبـت ظنـك
اهـل النفـاق مفرقيـن الموالـيـف
يضحك معي وان رحت منـه طعنـي
وعدتني ترجع قبـل يقبـل الصيـف
والصيف زل وطول هجـرك شحنـي
والله لـولا عالـيـات المشـاريـف
كـان الزمـان الـي غدابـك غبنـي
تكسـرت كـل السفـن والمجاديـف
في بحر هجرك موج وصلـك يونـي
سليت في وجهـي طوالـن مراهيـف
حتـى فـؤادي مـن عذابـك زبنـي
حبن خلطه الشـك والريـب والزيـف
بدفنـه بيـدي مثـل ماهـو دفـنـي
وان كان تبغى الصدق من دون تخريف
مانـي بميـت كانـك ابعـدت عنـي