رائعه من روائع عبد الله ذويبان
واتمنى ان ترتقي للذائقه
اذا لك شف في شوفي .. تراني
على شوفتك .. صحيت الأماني
زرعت الشوق كله بأنتظارك
و أخذت الأنتظار .. و جيت عاني
نسيت الناس لكن .. ما نسيتك
عجزت أنساك حتى لو ثواني
غيابك صعب و الأصعب وجودك
و انا فالحالتين أتعب و أعاني
حبيبي لا تواخذني .. و لكن
أبيك تحط نفسك في مكاني
اذا جيتك و انا مشتاق تقفي
تجاهلني و كنّك ما تراني
و اذا صديت عنك و قلت أبرحل
وقف قلبك على الباب و دعاني
و لو سويت نفسي ما اشوفك
يميل القلب صوبك و يحداني
أنا يا ابن الحلال أصعب حكايه
كتبني الوقت .. لكن ما قراني
مضى عمري و تقدر تعتبرني
غريب .. و في زمن ماهو زماني
زماني راح مع نصفي .. و نصفي
نسى نفسه مع الوقت و نساني
أسافر حزن .. و الصحبه ثلاثه
أنا .. و الصبر .. و سهيل اليماني
على الأنقاض واقف دون حيله
أشوفك وجهتي بين المواني
تعاال .. و طفّ بيدينك حنيني
تملكني .. و أنا أشعل لك حناني
تعال .. و ضمني يا تاج قلبي
دخيلك لا تخليني .. عشاني
قسم بالله لو موتي بيدك
و أموت الفين مره .. ما كفاني
و أذا باقي من الطلقات .. طلقه
دخيلك .. حطها بين المحاني
ممــاراااق لي
.
.
.
تحياتي
العيطموس