ياوجودي ياهلي والله ان قد لـي سنـه=عايشٍ في غير وقتي وفي غيـر بلـدي
وياوجودي وجد من طاول السقم بدنـه=يرتجيني كل ليله وانـا وش فـي يـدي
الزمان الشيـن والبعـد حادينـي عنـه=في مغيب اسهيل عني وانا عنـه جـدي
وياوجودي وجد من عاش في غير وطنه=والدهر والفقر والديـن حادينـه حـدي
عاش بين القوم والوقت حـدّه وشطنـه=والعرب مايرحمونه وهـو حظـه ردي
وياوجودي وجد من جاه علـمٍ واذهنـه=قالو افزع والحق اخـوك قـدّام يغـدي
يـوم جاهـم ينقلونـه ودمّـه بكفـنـه=قال ياوجدي وويلـي وياقـل اجهـدي
كن نحيبه يوم صـلاّ صلاتـه وادفنـه=شعف ليلٍ يقشع الحيد والعـرق النـدي
صادني ماصاد قلبـه وضامـه واغبنـه=من سبب قلّي وذلّي وضيمي ووحـدي
واحدٍ مالـه مـلاذٍ ليـا ضـاق ازبنـه=في شمات اعـداه ذمّـه وللذمّـه فـدي
ولليالـي والسبـاع المويقـات اعدنـه=بالهموم ايقيـم وبقـل توفيـق ايعـدي
في رجالله اثم رجا الجاذي اللي له سنه=والاّ انـا لاذا زمانـي ولا ذا ببـلـدي