مساء الخير للجميع
اعتذر عن الغياب وذالك لظروف العمل
المشكل اللي لابدى واجب يبين= يترك على صدر المواقف علامه
نذخره للدنيا ويبقى على العين=حاجب تعلى فوق عالي مقامه
خوته تسوى في ضميري ملايين=يازين ذكره والحلى في كلامه
هذاك صقر(ن)من صقور وشياهين=مايقرن الشاهين هو والنعامه
مانجهل زحول الرجال السلاطين=ولانفاوض بالشلي في الهلامه
ناس(ن)نقلطهم على الطيب مشفين=نفخر بعرف اهل الوفى والشهامه
وناس(ن)تركناهم كما المِيتْ حيين=من شان لانطرق علوم الملامه
اليوم في الدنيا وبكره مقفين=والرجل يفرض عالرجال احترامه
وان كان ماعشنا على العز شرهين=لازم نودع ربعنا والسلامه
اخوكم الشاعر حسين كرعل الوايلي
الهمــــــــــــــــــــــــــداني