:
لــســان الــجــد [ عبدالله السياري ] .. الـمـفـجــوع بـ [ خــالــد ] ..
يــحــكــي قــصــة .. [ ســـــــــارا ] ..
أنا اظني أحيا ما بقالي وانا محـزون=من الصدمة اللي رب الأرباب خابرهـا
الا شافت (( سارا )) تدرج بينهـم بالهـون=تعثر و تنهض و اقشر الحـظ عاثرهـا
تنادي بـ / بابا مادرت .. ذخرها مدفون=تعلق بمن شافـت وتنخـى عشايرهـا
تنحيت عنهم واسبلت عيني المخـزون=اطمـن و ألـد بناظـري لايناظـرهـا
وان خف حزني صحت يا ربعنا تكفون=على الصدر حطوها تطفـي سعايرهـا
هلا ومرحبا ياكل عمري ونون النـون=ضنى من خيالك شايفـه فـي نواظرهـا
انا اشم ريحه فيك لو قيل لي مجنون=عيون الخلي لو نامت الليـل عاذرهـا
: