:
راكب اللي لا مشى ينصى مقره=مايسوقه كون نـاسً مهتوينـي
راعي التفحيـط ماساقـه وفـره=ماتـولاه الشبـاب الطايشينـي
جيب " لكـزس " لا مشـى لله دره=ماخذا مـن دون داره ساعتينـي
ان خذا درب الدعث ماهو يضره=وان مشى بالقار ماجاله حنينـي
يقهر العدوان والمحبـوب مـره=لين اوسع خاطري وتشوف عيني
صاحب لي قد سكن قلبي وجـره=من معاليقه إلين اظهـر ونينـي
ثم نهب قلبي وراح بدون جـره=مادرينا كيف نهـب العاشقينـي
أنقذوني لا يجي منـه مضـره=خايف ماجاء( الملوح) لا يجيني
: