:
المعذره ياغترتـي بعـض الاحيـان=يااا كبر فضلش لو على عاقبه شيـن
أجـر زودش كـل ماشفـت ديـان=يا لين بينـي ثـم بينـه إتحوليـن
لا هو بغـض ٍ لـه ولاهـو بحقـران=لكن ظروف الوقت من غلبة الديـن
وأنا ادري ان الاحسان يجزا بالاحسـان=قد قالها راكـان والنـاس داريـن
لكنّ مـن ضـده زمانـه ولا عـان=يصبر على المقسوم والوالي يعيـن
وانا استحـي ولا فلا هـو بنكـران=رد الجماله واجـب و حـق في الديـن
المال لامن قل وجـده فالانسـان=ما هو بيسوى الطين من طينة الطين
يقصر عن الماجوب ويصد و يهـان=ويطالع وكنه يشـوف بربـع عيـن
ماله على العليا الـى تـاق عـوان=مريصـد يسـار ثـم بعـده ايميـن
: