[موادعك خيره..!]

سنين مرت تسحـب سنيـن و سنيـن
وقلبي يـدور عـن هـدوءه وامانـه

شفت القسى ، ماادري على وين ومنين
بـس الاكيـد .. انـي بليـا حصانـه

تطعني سهـوم الزمـن كـل يوميـن
واصبح لها .. قدر و مقـام و مكانـه

ما كأن عمري .. يسبح بـ( بحر 20 )
تاريخ ميلادي .. رجـع عـن زمانـه

حاولت اعبر لك عن الحزن ، والحيـن
حتـى الحـزن منـي تعقـد لسـانـه

جيتك تعب ، اقسى على القلب وأليـن
قلبي امانه ، مـن يحفـظ الامانـه