السلام عليكم
ارحم ارحم محبٍ جاك كله ولك***لاتغلى عليك ولابيكذب عليك
يوم اشوفك تجيني فيك هيبة ملك***كل شيءٍ تحت طوعك واشارت يديك
في غيابك نهاري يصبح اسود حلك***وفي حضورك ظلام الليل لمبت تريك
صوب درب الشقى قلبي لوصلك سلك***فدوتك ياعذاب القلب منك اليك
كم شجاعٍ من اسباب المحبه هلك***وانت عندي رصيدٍ ذاخره وسط شيك
كلما زانت الدنيا يدور الفلك *** ليه تبعد وتقرب بأنتظر واحتريك
ينكشف زيف من يمشي وهرجه كلك***مثل ماينكشف زيف الكلام الركيك
ياحسين الوصايف ليتني من هلك***لاجل اشوفك بعيني كل يومٍ واجيك
كل شخص يتصرف بالوفى لامتلك***وانت سكين غدرك في فؤادي تحيك
ماك عذبٍ فراتٍ بس من ينهلك ***اتفاقي معك في كل شيءٍ وشيك
في كلامك كريم وبالوصل مبخلك***ايش عذرك لضيفٍ مبطيٍ ينتخيك
مصعبك يانظر عيني ويامسهلك***قلبي الي طعنته مارضى لك شريك
لاعرفتك بيوم ولابيوم اجهلك ***ولنتهيت بوصالك من جديد ابتديك
*** سوالم***