[ناصر العسكر]

السلام عليكم ورحمه الله وبركاته


هذه قصيده كنزان لشاعر :سالم بن جخير ...

واتمنى ان تحوز على اعجابكم ....






لاغـنــيــت يــبـــن جـخــيــر يــامـــروض الـقـيــفــان ..... تحـزم بربعـك وارفـع الـصـوت بلعـانـي

تــحـــن الــرعـــود ويـلـتــعــج بــــــارق الــهــتــان ..... . وتمطـر مـزون الشعـر وتفيـض قيفانـي

اعــــرف الـقـصـايــد قـــــاف مـعــنــى بــحـــر ووزان ..... والى جبتهـا مـن بـدع راسـي ووجدانـي

اغــنــي وانــــا شـفـقــان واكــتــب وانـــــا شـفــقــان ..... وراسـي لصلفـات الطواريـق يحدانـي

الــــى جــيــت ابــركــد واتــعــوذ مـــــن الـشـيـطــان ..... تعزوابـي الجـن المسمـى ونادانـي

اســمـــي وارتـــــل مـاتـيــســر مــــــن الـــقـــران .....وبلاي ان معاي جنون وتـزود اجنانـي

ســلامــي عــلـــى الـعـجـمــان فـــــي وادي الـعـجـمــان .... سلامٍ ينومس كل عجمي وعرجانـي

هــــل الـوقـفــه الــلــي فالـعـيـيـنـه وفـــــي كــنـــزان .... يسولف بها القاصي ويفخر بهـا الدانـي

عــلــى ذكــرهــم ركــبــت صــوتــي عــلــى الالــحــان .... والى من سمعني طيب الراس لاحانـي

يــاراكــان ابــــن سـحـمــان ويــــن انــــت يــاراكـــان .... عليك القصايد تعتزيبـي وتنخانـي

جـذبـنــي نــبــاك وجــيــت وانــــا وســيـــع بــطـــان .... وذكر الرجال اهـل المواجيـب يشعانـي

ســلامـــي عـلــيــك امـــــن الـقــريــات لا نـــجـــران ....سلام الغلا من صدري لصدرك الحاني

يـاشــوق الـهـنــوف اخــــت الـسـتــر عــــزوة الـشـجـعـان ..... اخيها لحاله ينطـح القـوم وحدانـي

عــلــى شـانـهــا كــنــك تـســفــح بـــــلا جـنــحــان .... الى صيحت بسمك وقالت علـى شانـي

مــزايـــاك واجـــــد يـارفــيــع الـــقـــدر والـــشـــان ....الى جيت اعدد في مزايـاك ماامدانـي

زعــيــم الــكــرم مـنـصــى الــعــرب مــقــدم الـشـيـخـان .... وسيع البنايد مكرم الضيف والعانـي

بـعـيــد الـنـظــر تــــاج الـفـخــر مــرهــب الــعـــدوان .... صعوط المجنن مزبن الجيش والجاني

يــادفـــع الــبـــلا مـاكــنــك الا خــشــيــر الـــجـــان .... تكرع بدم اعداك وتقول مارواني

عــلــى شــانــك اســرجــت الـقـصـيـده وانــــا طــربــان ..... عنيت وعنى شعري من اجلك وعناني

لـــو انـــي اجـيــد ايـــة لـغــه غــيــر هــــذي كــــان .... كتبت ومدحتك بالفرنسي والاسبانـي

مـدحـتــك لـحـالــك مــــن مـحـبــه ومــــن صـفــطــان ..... ولا ابغي سوى ترديـد ياحـي ماجانـي

وصــيــة شــنــب مـاقـالـهـا فــــلان ابـــــن عـــــلان ...... ترى ذي وصية شايبي يـوم وصانـي

عـسـانـي فـــدى الـلــي عـزنــي لـيــن صـــرت حــصــان ..... وعلى العز وعلوم الرجاجيل ربانـي

تــــرى حــــن حــــزام الــعــز لاشــانــت الازمـــــان .... لا قلنا ترى حنا لهـا والعمـر فانـي

وقـفــنــا نــهـــار الــكـــون فـالـصـلــب والــصــمــان ....على الموت نارد مثـل ماتـارد السانـي

نــبــج الـنـحــور ونـقـطــع الــــروس مــــن الامــتـــان .... والى من غزينا كلنا اعبـر مـن الثانـي

لــوإنــا لـحـقـنـا عــصــر عـثــمــان ابـــــن عــفـــان ..... بطشنا وجبنا العيد في كـل نصرانـي

يــوقــف شــعــر راســــي عــلــى طــــاري الــجـــدان .... واحس ان دمي يطبـخ وسـط شريانـي

تـــرانـــي طـبـيــعــي لامــحــشـــش ولا ســـكــــران .... ولكن صميدع راس ولساني حصاني

الـــى مـــن خـويــت اشــفــق عــلــى دلــــة الــرســلان ..... والى من نهجت انهج على نهج جداني

امــثــل هــــل الـسـمــرا لــيـــا جــيـــت فـالـمـيــدان ..... وعساني على القوه وصح الله لسانـي

اعـــــد الـحـقـايــق واكـــــره الــــــزور والـبـهــتــان ...... وببقى على ماقلتـه ان الله احيانـي

وهـــــذي عــوايـــد صـــــادق الـقــلــب والايـــمـــان .....وعسى الله يثبتنـي علـى قـوة ايمانـي

واذا مـامـدحـتــك وانـــــت راكـــــان ابـــــن سـحــمــان ..... فلا خير في شعـري ولا خيـر فلحانـي

واذا كــــان هـتـلــر شــــاع ذكــــره مـــــع الالــمـــان.... تراك انت هتلر غير ماجابك المانـي


دمتم بود