ودي اموت اليوم واعيش باكر
واشوف من هو بعد موتي فقدني
ومن هو حملني لين ذيك المقابر
واشكر انا كل من كرمني ودفني
وبشوف انا يرثيني كم شاعر
ومن هو تركني وماكتب شيء عني
شخصا تعنا لي مع انه مسافر
وشخصا قريب وانا ميت طعني
وشخصا يمثل دمعته ماهو قادر
وشخصا تطيح دموعه كل ماذكرني
ومن هو من اهلي فالعزاء كان حاضر
ومن هو دعا لي في صلاته ورحمني
ومن هو بناءباسمي سبيل ومنابر
ومن هو يفز قلبه الا من لمحني
ومن هو عشاني طول الايام ساهر
ومن هو ثلاث ايام راح وتركني
ومن هو يرتب غرفتي والدفاتر
وان شاف صوره لي مات وحضني
يالله عسى ماتخفىكل المشاعر
ويالله عسى ماينصدم يوم ضني
خايف يروح العمر واكون خاسر
وان طار طيري مايفيد التمني
وخايف يجيني وقت اكسر خواطر
ان دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت اضحك يهددني حزني
الضيق وافي والحزن حيل وافر
والجرح واكثر شيء شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني امر
مسكين فرحي تصدق انه وحشني
شاعر........ولكني ماني بشاعر
ودي اموت اليوم وارتاح مني