طف العتب .. واوقد شمـوع المواصيـل
وإكتب سماحك .. واترك القلب يقرى !
بيني وبينـك يـا حبيبـي .. مراسيـل
لو تنقطع ، ما عاد بـه جـرح يبـرى !
لا تزيد في كيل العتب .. تبخس الكيـل
وتصير روحك مثل الأيـام .. قشـرى !
رضاك صبح .. وجود غيم .. وهماليـل
وزعلك قفر .. وكسر خاطر .. وغدرى !
مشاعـري ويّـاك ماهـيـب تمثـيـل
لا تختبرهـا ب/ الملامـة ،، بالأحـرى !
اصبر علي شـوّي .. وتشوفهـا سيـل
وتلقى لها في عـروق خافقـك مجـرى !
ما قلت أحبّك كثر ما قلبـك يشيـل ..
مـن المحبّـة لـي ، لكـنّـك ادرى ..
لـو تبتعـد مـات العـزا ف/ المقابيـل
واصبحت اقلّب لك على البال ذكرى !
قم قوّني بمحبتك .. ما معـي حيـل
لو الجفـا بيّـن .. والأعـذار تتـرى !
ما لي فغيرك بعد صبحك .. مواويل
ولا لي بعد ليلـك ولا ليـل يسـرى !!