السلام عليكم ورحمة الله وبركاته
صباح الخير ..
هذي قصيده للشاعر الكبير والاعلامي/سعود الفهد
اتركم مع القصيده
" الغيره "
أغفر لي الذنب وأغفر كل زلاتك
الغيرة أعمت عيوني وانت تدري بي
اباتغلى عليك و طوّل سكاتك
ورديت لك غصب ما رديت من طيبي
أغار وازعلك واشفق لضحكاتك
ضيعت ماعدت أميز وش مطاليبي
شف حالتي مابقى لي غير شوفاتك
مجبور انا فيك لو غيرك يهلي بي
اقرا خفاياك لا طالعت نظراتك
وأخاف قطع الرجا يا مبيح غيبي
عطني أمل لا تقول الركب قد فاتك
بعض المطر يسبقه عج ولواهيبي
حلوة عيوبك وأنا عشاق غلطاتك
وعشقت شيبي لانك مظهر شيبي
تبي الصراحه عليك أغار من ذاتك
أغار..وأغتاظ.. هذي هي عذاريبي
الشاعر الكبير والاعلامي/ سعود الفهد