اليوم وبلحظة صفا..أشتقت اسمع شي لتشايكوفسكي..دورت لقيت له رائعه
أسمها هز الوسط...بصراحه قعدت أسمعها..والتيلفزيون فيه..فيلم عربي ببداية
الألوان..خوش مقطع..من نوعية رأأصني ياجدع..فقطعت الصوت علي التيلفزيون
عشان تتوافق الرؤيه البصريه..والمتعه السمعيه....ماقطع هالمتعه الا صوت رساله جديده
قلت يمكن وعسي من اللي علي البال..لكن كالعاده خاب ظني..تصريح
للحبيب..بومحمد..يهدد لجنة الظواهر عشان فريق كرة القدم النسائي
ويتحدي يجيبون له ماده دستوريه تمنعهم...يالذيذ يارايق..يا أنتا؟؟؟؟
امس شوي وتبكي بأن الغاء الفوائد ضد الشريعه وذكرت لأول مره يمكن بلسانك
أسامي مفتين بالشريعه...حتي اعتقدت أني قدام احد خريجين المدينه المنوره
لا وبغيت أطلع معاك لاخلصت الجلسه تسمع لي الاحزاب بقراءة الكسائي
من كثر الايات والادله والسند والمتن وتواتر الاحاديث اللي ذكرتها بذيك الجلسه
واليوم تصرح بانك تتصدي للجنة الظواهر السلبيه عشان مشاركة الفريق النسائي
بالاولمبياد..وتتحداهم أن يطلعون نص دستوري واحد يمنع مشاركتهمّ!!!!
عجيب امرك...
علمني يابوالشباب ياللي كلك ذوق...
نبكي معاك علي الفتاوي انهم خالفوا الفتاوي
ولا نهز الوسط بالاولمبياد للفريق النسائي لكرة القدم لابسات الشورتات
بس قبل البكي..وقبل الهز..عطني نص دستوري واضح بأن الصلاة مفروضه؟؟؟؟
شوي احترام للذات...............بس