بسم الله الرحمن الرحيم
السلام عليكم ورحمة الله وبركاته
قصيده لاخونا الشاعر المميز جراح بن فنيس
وهي بعنوان (لوعة الفرقا)
* لوعة الفرقا *
لوعة الفرقا وصكات الليالي
والحزن والويل ودموع الغبينه
والتنّهات ورجا خير التوالي
والحسد والنعم يلعن ناقلينه
والشقا ومفارق الغالي لغالي
والفقر والدين ربان السفينه
افتديت الناس في حالي ومالي
وتركوني للحزن نفسي رهينه
اتركوني للشقا في ضيق حالي
مبدأ التخفيف عني رافضينه
مادريت ان الصداقه شي خالي
لين شفت الناس حقي ناكرينه
اقرب الخلان في عوني يمالي
ثوب همي في يديهم حايكينه
من يميني ياعرب بيطيب فالي
ماترجى الذيب لقمة والدينه
ماكلى فضلات ربعه بالخوالي
عاد ياكل فضلة اللي حاقرينه
رغم ماجاني من الدنيا وجرالي
شلت فوق الحمل شيٍ عاجزينه
شايل اللي كاسر ظهور الرجالي
أكثر الشجعان ماهم قادرينه
الجمل يبرك وتخشاه الجبالي
يرعب الاحيا ء والنفس الدفينه
لوعة الفرقا وصكات الليالي
والحزن والويل ودموع الغبينه...
منقووول