سجد قلبي على رمل الضلوع و هزه التنهيـد
وأنا في قلبي خيام الندم والخـوف منصوبـه
يا رب إفهق هلاكي والمنايا والـدروب بعيـد
ما دام المودمانـي للتـراب تقـوده دروبـه
يا غياث الضوامي والثمام وجرهـدي البيـد
أعذني من جهنم والحشر والمـوت وكروبـه
أنا مانيب لا مشـرك ولا كافـر ولا عربيـد
أنا اللي إلى عصى وأخطا تجهم وأقلقه ثوبـه
أنا عبدك ولد عبدك وجدانـي هـل التوحيـد
خطايـاي أخجلتنـي يالله الغفـران والتوبـه
وأنا اللي يرتجف مثل إرتجاف الخايف الرعديد
إذا شاف القبور الضيقـات وحـس بذنوبـه
أنا الإنسان حمال النقايـض والكمـد والكيـد
غريق الطين واللذات مـن راسـه لعرقوبـه
أنا عبدك يا ربي وأنت تفعل ما تشاء وتريـد
سألتـك يالله بعفـوا عظيـم وهيـن دروبـه