[صمــت اليتــاما]

,

قبل الوداع وقبل طوي المشاوير =ماكنت احس بقيمته لو جفاني
ويوم افترقنا والحزن جاني امغير =عرفت وش معنى ضياع الاماني
وما عاد بيدي شي ، ، دام المقادير =وفت وعدها ، ، واسلبتني زماني
سيلت بفراقه دموع المعاذير =حتى خشع موج الغلا للمواني
ومديت لوصاله كفوف التباشير =ومدت لي الفرقا كفوف التهاني
ودي افضفض بس وين التعابير؟ =ودي اعبر بس وين المعاني ؟
حاولت ابرر صمتي بأي تبرير =وعجزت ابرر صمتي اللي غشاني
ياصمتي اللي مالقى له تفاسير =ليت الذي وداه ، ،يمه خذاني
ياحيلة الله وش بقى؟ وش يبي يصير؟ =دام المكان اليوم ماهو مكاني
لو قلت مال لبعده اليوم تأثير =تفضحني عيوني، ، وكذب الساني
لكن تركت إله القصيده على خير =يمكن يحس بضيقتي لا قراني

,