[ابن عاجب]

أودّع ألفين وتِسْعة وانْت تَبْقالـي
عزّي وذخري وعمري والغلا كله
عذب الأحاسيس تهدالك من الغالي
يا رب تحفظ خليلٍ عاشـقٍ خلّـه
حبيت اسلم واقول الحب مازالـي
الشمس تشرق وتغرب والوفا ظله
لا شفت رقمك يدنْدن وسط جوالي
فزّيت أبكلمك والصوت مـا ملـه
واليا انْقطع بتصالك بث الارسالي
ضيّعت دربي من الهوجاس ما دِلّه
حتى رسايِلْك تنعش سامح البالي
هاتِفْك يرسل رسايل حب وارسلّه
محبتي فيك ما راحت على الخالي
وياي تُوفي وعودٍ تبـري العلّـه
دنياي مع فرحة احبابـي تغنالـي
يسمع طربها خفوقٍ يغفر الزّلّـه