جاني حبيبي يعتذر قال وشصار=وشفيها يعني لاحصل مني زله
راعي الهوا مجبور وللخل صبار=حتى ولو دايم يهينه ويذله
هذي حبيبي عادتك دوم منهار=خل الزعل منك يولي وجله
قلت العفو مثلك من الناس غدار=يجهل معاني الحب خاين لخله
لا تعتذر وفر كلامك والاعذار=خل الذي فالقلب خافي محله
ولا تحرق إيدينك وتلعب مع النار=صعبن تعقد حجاج وترجع تفله
أصبحت ماضي في حياتي وتذكار=وهديت ساس اللي بنيناه كله
ياصاحبي مالك بالأعذار مقدار=عذرك يزيد بخاطري كل عله
غلطان ياللي تدعي الحر لاطار=وافي و يوفي للي كفه يشله
هذا كلامي ويعرفه كل صقار=أما فطن لطير أو ما فطن له