[مسري الجيش]

ياسلام الله على شوف الحلا عقب الغيابي @ عقب مشوارالسفر من ديره الغرب البعيده @ يستغل الشوق دمع العين والغالي يجابي لين تكتب من دموع العين وظروفك قصيده @ ولا يمي خله يلوم انشهد انه مادرابي لو يشوف اللي تلف حالي يحول له رصيده @ مايحيط ان شاف سيد اسياد تلعات الرقابي الوكاد يضيع عن دربه لو ان الدرب سيده @ مثل طير مشترينه وأفتحو عنه القطابي شاف صيد وراح عنه الصيد عيا لا يصيده@ حالته يرثالها وسمع سؤالي والجواب اللي جوابه مختصر كلمه مفيده@ ايه أحبك والسفر والبعد كدرلي شرابي كل مايطري علي طاريك ولعت الوقيده @ اكثر مسمار وياالهيل بدلال عذابي وأشرب الفنجال من كفي وانا حالي زهيده @ ليتني ماخذ معي صوره قبل لاطوي زهابي لجل لاشفتك اخفف جرح قلبي مع وريده @ ياغناتي مقدر أشوفك وراسي منك شابي ولا انا لا غبت عنك شفتني وسط الجريده @ واعذابي كل ماناديت بسمي وعذابي طالبك لا من رفعت الصوت بسمي لا تعيده @ انت لامنك ذكرت اسمي تماكنت الكتابي ثم سهرت الليل كله لين سويت القصيده @ وانت ماتدري وش اللي صار يوم القلب ذابي يوم شفت اللي عيونه تشبه اعيونك وكيده @ قلت ياربي دخيلك لاتعجل في ذهابي لين اريح قلبي اللي كن بوسطه حديده @ ليتني في ديرتي ما جيت لديار الضبابي لا بغيت اشوف خلي سكته ماهي بعيده @ المقدر ماله الا الصبر والشوق اللتوابي صرت اخاف ان السنين المقبله تصبح عنيده @ مانهاب من الصعايب يشهد الله مانهابي مير مشوار المحبه قيد الرجال بيده @ ياعديل الروح حبك من حلا صوتك صطابي مايفيد المبتلي بحر القصايد مايفيده@ كل ماشفت السحاب اشوف زولك بالسحابي والظروف اقسى من أظروف المحبين الشديده @ الله اعلم بالظروف اللي حدتني في شبابي الله كون الدنيا قبل يخلق عبيده @ من بعيد ارسل سلامي لجلكم وانقل صوابي وجعل تسلم لي وتسلم لي حكومتنا الرشيده