[ماجد المهنا]

السلام عليكم ورحمة الله وبركاته ..

متواضعه اتمنى .. تلقى القبول عندكم ..


صلوا عـ النبي ..

الطيحه المشهوره

الشعر في جوفي يدن انجوره = والشاعر الكايد نوى بالثوره
قم يا قصيدي واحتزم في قافك = واغز ابيوتن ما غدت مكسوره
إلين اقول إني هنـا يا عالم = الشاعر اللي ما انكسر طابوره
فيه من شعر(الفرزدق) والا = حنكة (جرير) ورقته بـ شعوره
إن العيون اللي طرفها به حور = قتلننا واقول أنا مشكوره
يكفي ان شعري يحوز ارضاها = والحمدلله حالتي مستوره
لا قلت يا( نوره) وقلتي آمر = واقول وش قومك علي يا(نوره)
اسبوع ما قلتي يا (ماجد) وينك = واسبوعي الثاني قده في دوره
لا قلت باتي لك طرا لي طاري = طاري يقول (المنطقه محظوره)
شايب يفتل شاربه وعجيز = السانها عوج الزمان وجوره
والا اخوك العربجي الإرهابي = سياحته دايم مع ساطوره
خريج سجن ولعبته شبريه = والا أنا ما اعرف غير الكوره
وسواق دابل كبدي ومشقيني = ومضلل الموتر على السنيوره
حاقد علي ويسبني ويخانق = يازين من يصمخه في صنقوره
لا شافني ضاقت عليه الدنيا = ويمغط الموتر ويعلي نوره
لاني دمقراطي ولا مطرّف = شاعر وحظه خالفه في شوره
يا ما جرا لي والبلا من صوبك = وانتي جنابك حضرة الدكتوره
يا الغزال اللي بعادك طوّل = نبشت دمعة عيني المقبوره
اسقيتني بعدك وعادك غالي = وهم وكدر والعبره المقهوره
بذرت في صدك وفي هجرانك = والحزن ماخذ عليّ فاتوره
البعاد انياب ذيب وشفره = والحظ عانى من خرم بابوره
لا قلت يا حظي طلب عكازه = يشكي وجع من رجله المبتوره
ادري ان اضروفك اقوى منك = نفسك على الفرقا غدت مجبوره
انتي نقطة ضعف وانتي قوه = وانتي قصيد الشاعر وجمهوره
لامن بدعت القاف وانتي عندي = كني عليت المجد والمقصوره
يا مل عينن دمعها يعميها = والكبد من فرقا الغلا مشطوره
ماغير اهوجس واستبيح افكاري = والحبر جف ودمعة بسطوره
وان طحت طيحة شاعرن متواضع = يمكن تصير الطيحه المشهوره
ابعتنز بالله واشد اركابي = الناس ذي متغطرسه مغروره
والله يسهلها ويّزين حالي = والله يعجل جيتك يا(نوره) !؟

وسلامة روسكم ..


أخوكم /
ماجد المهنا