بسم الله الرحمن الرحيم
يشرفني وجودي في منتدى قبيلة العجمان ، وهذي (مصافحه أولى) بأبياتي المتواضعة .. أتمنى أن ترى طريقها لتدخل قلوبكم ..
يا صاحبي ماعاد لي بين الورق غير الضمير=باسم الضمير اخاطبك "تكفى وكافي بهذله"
يتعبني سباق الوله واعاني الشوط الاخير=اعاني الشوط الاخيـر اللي ملا صدري ولـه
ماعادني ذاك الاسير اللي يسمونه اسيـــــر=بس الغلا لازال ثابـت روح يمّه و اسألــــــــه
شفني على باب المواصل بيت بيت وبير بير=بس الحزن لا جد فيني حمّله او كمّلـــــــه
ضيقه تنادي قبلها ضيقه وضيقاتي كثيـــــــر=يا لعنبو من جر حبل البهذله والمهزلــــــــــه
يا صاحبي قدر ظروفي ما على مثلك نظير=ادري و تدري و الغلا لا تاخذه و تبدّلــــــــــــه
انا بصيرك بالمــــــواجه بس خفاقـي ضريـــر=و انا ضريرك بالمحبه و ابصر اللي تجهلــــــــه
ماعادلي بين الحـــنايا ضلع واحساسٍ غزير=وماعادلك بين الحنايا قلب واحساس وصلــه
ابكي من الفرقا واعاني موقفي يمك واسير=وأشم بأنفاس المفارق شي مقدر اجهلــــه
لا تعاقبني بصـدك و انـت لهمـومي زفيـــــــر=ولاتفارقني فبعدك والشقا ما اطولــــــــــــــــه
هذي قصيدة شلتها اقـولها باسم الضميــــر=لا تقطع الشوط الاخير اللـي ملا صدري ولـــه
.
.وسامحونا على القصور
محمد بن دحيّان