[سهيل]

شحآلكم فــي حــآلكـم~
أتمنى ان تنآل اعجــآبكم~

كيف مرضى يــوم انا كلي رضيت~
راضي ٍ قلبــــي ومالــه بالزعـــــل~

بطـــوي اللــي فات كنــي مادريت~
وبتــــدي صفحه جديـده مــن أمــل~

واللــه ان قلبــــي لغيـــرك مستميت~
بــس فـي شوفتك مدري وش حصل~

منزلــك بيـــن المحــانـــــي ماحييت~
مـــايهــــده عــــاذلـــي مهمـا فعـــل~

لك عيونــــي يالغضي مأمن وبيــت~
تستريح ابوسطهـا مـــن دون اجـــل~

كونــــك منهــــو هـدانــــي وهتديت~
فـــي محبــة حضرتــك قلبــي حفـل~

فـــي ملامح خلقتك نمـــــت وصحيت~
جمرتيــــن ٍ فـــــي سوالفهـــا عســـل~

قـــال لـي عنــدي علـوم ٍ يـــوم جيت~
ثم دنـــق وكتســـى وجـــــهه خجـــل~

قلــت لـه ياروح روحي وش بغيـــت~
العمـــر فــدوة عيونــك لــــو يحــــل~

قال قلـــي فـي جمــالي وش رأيــــت؟~
قلـت مال الزين فــي زينـــك محـــل~

لو اببـــدى في وصوفـه مـــا انتهيت~
حافظـه ربـــي عيــون اهـــل العمل~

وان بديـــت اوصفــه كنــي مابديت~
في عيونــي يا عرب وصفـه كمــل~

فيـه شعري لـــو كـتـبـــته بيت بيت~
مــن هجوس ٍ لجل عينــه ما تمـــل~

مايوصــل ربع حبي لــــو حكيـــت~
لو كتبت من الشعر صعـب وسهــل~

ولـو كـتبت مــن الفرايــد وانتقيـــت~
ما وصفـت النظــره اللــي تبتهـــل~

من غرامه عشت عمري ماسليت~
كل لحظــه يبتـــدي زولــه يهـــل~

ومن عذابه طال صبري ماشكيت~
صابر ٍ قلبي مثل صبــر الجمـــل~

كــل ليــل يزورنـي عنــد المبيت~
يحــرق القلــــب المعنـى لاوصل~

وان تكلم فــــز قلبي ثـــم بكيـــت~
دمعتين ٍ من غـــلآ مــدري جهل~

علمــوه اني علــى حبـه وفيـــت~
وان حبه وســـط قلبــي لو رحل~

عبــدآلله بن شدقــآن ..~