ليّـن جنـاب الـود يـا ليّـن الـعـود
وألطـف و أساليـب المحبـه عديـده
خـل القسـا لاهـبّ تستاقـه الـنـود
وأحـذر بـعـد ساقـتـه تستعـيـده
بإسم الوفا و الحب و الطيـب و الجـود
الصـح عيـده و الخـطـأ لا تعـيـده
عليـك حـل الحبـل و الحبـل معقـود
، تعـقّـدت روس الحـبـال الجـويـده
وراك ساكت و السمـا بـرق و رعـود
و اليـل موحـش و الهبايـب شديـده
مدري حداك الصمت و أصبحت محـدود
وألأّ أنّ صوتـك فيـه نبـره جـديـده
تنقـل كـلام شفـاك بعيونـك السـود
و في كل نظـره منـك جملـه مفيـده
كم قلت لـك مأمـون و السـد مسـدود
و الشـك زايـل و الهقـاوي بعـيـده
خوفي من أهل الرقص و النقص و الزود
و بثّي يا إذاعه و إنشـري يـا جريـده
قلبـي لهـد كبـدي و عبـرّت ملهـود
و أنته حجـر قلبـك و كبـدك حديـده
خليتني في الشعـر حـاوي و مـردود
و علقتنـي فـي بـاب بيـت القصيـده
و أزريت أغني فيك يـا باشـة الخـود
ممـا بدالـي مـا بقـالـي شـريـده
جوارحـي لرضـاك مقتـادهـا قــود
تقـول حاكمنـي بـشـرع و عقـيـده
لا شك حكم العشق مـا عنـه منشـود
و حكومـة العشّـاق ماهـي رشـيـده
أنت إعتبر ما صـار ماهـو بمقصـود
و أنا أعتبر ما صـار فرصـه سعيـدهٌ
&&&
الشــآعــر : ســداح العتيبـــي