حديث النفس لاينكف ابدا مازلت احدث نفسي عن نفسي وعن ما مضى من لحظات حياتي وعن اللحظات اللتي لم اقضيها ابداً قبل ان تنجبني امي سطرت جميع افراد عائلتي امي ابي اخي اختي جدتي لآمي خالاتي آخوالي جدتي لآبي عماتي آعمامي في كلا الطرفين ينقص طرف غايب ولم اراه ابدا ولم اعرفه ويعرفني ولكن لم احن بحياتي كلها إلا لهؤلاء الذي لم اراهم قط جدي لآبي وجدي لآمي وكان حنيني الآكبر لجدي لآبي لا اعلم لماذا ولكن لآنه مختلف تماما بكل ماسمعت عنه في عدة مجالس لم ارى لصفاته شبيه ابداً لقب بلقب خاص به تعرفه يام العريقه وكل من يحسب على يام يعرفه وجدي لآمي لاينقص عن جدي لآبي بشي ولكن الفرق بأن جدي لآمي كان رجل لايغادر مجلسه الا لآداء الواجب المستحق عليه نحو ابناء عمومته صلة الرحم وتبادل الزيارات و العشاء عند فلان والغداء عند فلان والقهوه عندي رجل عاش ومات على البساطه بجانب عشقه للصحراء وامتداده الذي لم ينقطعه ابدا الا حين قبضت روحه رحمة الله عليه اما جدي الذي احمل اسمه كان كالشرار لايعرف الراحه ابداً اليوم في البيت بكره مسافر بغض النظر عن ديوانه المفتوح على مدار الساعه في حضرته وسفره كان دائما مزحوم ومكتض بالرجال من ابناء عمومته وغيرهم من القبائل الأخرى لا اعلم ما هو سبب حنيني الدائم لروحه ولكن ما ان اسمع بإسمه ويتبعها عز الله انه فقيده جعله بالجنه محدن مثله ابد حتى تختلط دموع الفرح والشوق واللهفه والحزن لبييييه ياطاريه لبييييه ليتك تدري وش كثر احبك يبه ابيات كتبتها قبل سنه مدري سنتين لكن كانت في لحظة حزن واشتياق ربما كنت ارثيه لكن جدي لاتفيه هذه الكلمات المسطره ولا حتى شعوري اتجاهه ياهمي اللي بين قلبي وبيني ........................ما عاد انا ياهم قادر على الشيل ياهم تكفى طالبك لاتجيني ........................خلني مع الآيام آسلا لو قليل ياهم خاويتك في ماضي سنيني ........................والغم معك وكثر العنا والغرابيل ياوجد حالي ولا ياوجد عيني ........................كلها تساوت في صباحي مع الليل حيل الله اقوى ولا انا وش بيديني ........................غير اتصبر والصبر زاد تنكيل لآ وَ وجودي وجد عودن حزيني ........................ماله سند ولا تلد فاتر الحيل وحيد في دنياه والله يعيني ........................هذي سواة الدهر من دون تعليل والمشكله ماهي بهم ويجيني ........................المشكله خوفي انا من المقابيل الأيام تمضي بين لذة سنيني ........................وبين التعب والشقا حظي يميل ايام واسبوع والشهر ثلاثيني ........................اما السنه اثنعشر شهر ليل بليل لآزاد همي واتعبتني سنيني ........................برقد سواة الطفل وانسى الغرابيل وان كانها شانت وودها تحديني ........................لي لابه تفك النشب وتذبح الحيل عجمان ياعجمان وينش وويني ........................راحت عزاويهم قبل جيلٍ وجيل وين الذي لاقال قوله يبيني ........................مثل البروق اللي تلالت مع سهيل وين الذي فعله كبير وسميني ........................لآقال طآل من دون شكه ولا ميل هذاك جدي اللي تبكيه عيني ........................وكل العرب تبكيه يومٍ بالكفن شيل خذاه ربي قبل الروح تحييني ........................لكن فرحت بذكر يهز الرياجيل لاقلت بنت فلان الكل يوحيني ........................لآمن طريت اسمه نعموه المشاكيل اللي ينعم نعم فيهم ونعميني ........................لا ماعليهم زود نعمٍ ولو قيل هذا عزاي لو إن ماهو بمشفيني ........................من هم الآيام وعذاب الغرابيل آعتذر على ركاكة الآبيات
__________________ من قال .. لك ... !؟: إن الألم .. يصنع بدايات الطريق .. !! قلّه .. ترى أكبر .. خطأ ..!! إن الغريق .. ينقذ .. غريق ..!!