ماحب القرب مع فيض المحبه=لو ان فيض المحبه مستحبـه
احب القرب مع سيد العـذارى=دواي وداي عن كـل الاطبـه
جذبني في سلوبه واحترامـه=وحرمني شوفته من غير سبه
وجرح قلبي بصوتن فيه بحـه=قبل لشكي عليه اشكي لربـه
واقول ان كان قلبك فيه رحمه=على من يعشقك حذرى تكبـه
وتراني بحتفظ بالرقـم هـذا=معي موجـود مـاوالله اذبـه
ليامن جات فرصة دق رقمـي=ترى النغمه على رقمك منبـه
وجنوب الدار تقرب لشمالـي=على اللي سائقه يجهل مطبـه
وانا اللي كل عذرن منك جاني=قبلته من صدر رحب ومحبـه
وانا ماحب غيـرك يالاميـره=ياويل القلب من صوتك لعبـه
وتمـت والحقيقـه ماتقـرب=بدرب الحب مع فيض المحبه