السلام عليكم ورحمة الله وبركاته ..
أطرح بين ايديكم هذه المتواضعه وكلي امل ان تحوز على استحسانكم..
يقول..
أشتقتلك يا منيتي مكثر الشوق=متى على الله بس اشوفك ثواني
مرت سنه وشهور واحن واتوق=ونتي مكانك بين ذيك المحاني
من يوم غبتي عاشقك دم وعروق=حبك من الله والله الي بلاني
اتغيب شمس وترجع الشمس بشروق=متى يجي وصلش وازف التهاني
القلب من جمر الهوا جد محروق=يارب حقق ما بقى من اماني
لا طروا اسمك ينقلب تحتي لفوق=يا فرحة المشتاق في هالزماني
شمس المحبه ترسل النور وتسوق=بشرى لعز الناس في يوم ثاني
يوم(ن) جديد يسابق الشوق ويفوق=اخر محطات الفرح والأماني
خبري بقلبي راح ماهوب ملحوق=وشد الرحال لدار شيخة زماني
هذي حروف(ن) بالحشا سقتها سوق=للي ملكت قلب(ن) لفا اليوم عاني
وأشتقتلك يا منيتي مكثر الشوق=ردي مدام العمر يا بنت فاني
وسلامتكم ..