ولم جـوازك يازبـون المخاسيـر
نبـا نسـج اقدامنـا يالمطـاري
الجو..شوف الجو كلـه معاصيـر
والصيف بانت له علينـا مـواري
ولـم جـوازك ماتفيـد المعاذيـر
مادام طار (ن) لنشامـا طـواري
امـا علـى بيـروت والا اغاديـر
والا ديار التـرك يابـو مشاري
اللي عليهـا الغيـم نـوه مزابيـر
ولا.. للهبوب الصلف ياخوك طاري
فيها المطر.. والروض نبتـه نواويـر
ماطبته ذيـدان بـدو الصحـاري
يرتاح بالك مـن كثيـر التفاكيـر
اللي تجيب الشيب والهـم سـاري
ماهو بحق (ن) تلحق النفس تقصيـر
مايكتب المعبـود يالعبـد جـاري