[ريـمـيـه]

لبيه لو أن مالي فـي حياتـك نصيـب
بقولها .. وانت وص سنينـك وقلّهـا :

أنّي أحاول معك أقرب من أقرب قريـب
وأبعد من أبعـد بعيـد ٍ للبشـر كلهـا

حاولت لكنّها قامـت تصيـب وتخيـب
أمسي على ليتها وأصبح علـى علهـا

من يوم صارت أحاسيسك تحضر وتغيب
وأنا أحسب أنّي محاصرهـا ومحتلهـا

لاتدّعي بالرومنسيّه وبأنّـك حبيـب ..
.. روحي وأنا أغلى حبيب لروحك وخلّها

نيتك متبيّنه .. لـو أن صمتـك رهيـب
قريتهـا فـي عيـون ٍ دمعـك يبلّهـا

مشاعرك ليه تجبرها لشي ٍ ماهيـب ..
.. تبغـاه وتحدهـا لـدلٍ مهـو دلهـا

ودّعني وعطني الفرقا وربّـي حسيـب
واللي بقى لك من الذكرى معـك تلهـا

جاتك من الله توّكل وأنت مالـك طليـب
ما أحلى من الحاجه إليا جت على حلها

أرحل وأنا صدري الكون الفسيح الرحيب
لـو أن روحـي علـى لامـاك ياملهـا

ماعاد باقي سوا دمعة حبيـب لحبيـب
إليا ذكر هلهـا .. وإليـا سـلا هلهـا