محاوره لـ خولان بن عامر وفارس الحرف
وهنا
بأسمائهم الصريحه
:
ســــالــــم الــعــجــمــي
"
سلام الله بعد ماجيت ادرج فالقـدم مسـرور على اهل الحلة اللي غاليه عنـدي وقدرهـا
ولا ياصاحبي خولان لا تامن يجيـك الـدور انا اعطيك العلوم اللي توثق من مصادرهـا
"
مــضــواح بــــن شــتـــوي "
هلا يامرحبا والقاع نفرشها عطـر وزهـورو اهل عشق المعاني والله انا بـك نبشرهـا
اعرفك وانت مايحتاج في بحر الشعر دكتـور مسيرتك الشريفه مركز التاريـخ صطرهـا
"
ســــالــــم الــعــجــمــي
"
لعل الك البقا يالشاعر الفهمان والمشهـور تسايرك المعاني ساميـه وانتـه تفسرهـا
اهنيك السلامه والبنـادم منهـى ومامـور عسى تصفى مشاربكـم وربـي مايكدرهـا
"
مــضــواح بــــن شــتـــوي
"
بعد مالله جمعنا في المكان الشامخ المعمور بعد ذيك السنيـن اللـي تذكّرنـي واذكّرهـا
نبي ناخذ من الماضي حكايا مجدها منشـور على وضح النقاء ياسالم العجمي نصورهـا
"
ســــالــــم الــعــجــمــي "
انا اعرفك تشب النار حتى ان القدور تفـور اعرف انك تطولها واعرف انـك تقصرهـا
حكايات الزمن من ضمنها نكبة وعد بلفـور لو ان العود لـه ذريتـن ترفـع مناخرهـا
"
مــضــواح بــــن شــتـــوي
"
ياسالم مانبي تزعل ودمـك مانبيـه يفـور اهل جيزان ما ملّـح لعبهـا الا خناجرهـا
وعد بلفور مالي فيه لا نيـه ولالـي شـور تمالوا فيـه قـومٍ مـا حـدٍ منـا يقدرهـا
"
ســــالــــم الــعــجــمــي
"
انا ماني بذر الكحل الاثمد فالعيـون العـور لاكنـك روح دور ذاهبتـك اللـي تدورهـا
ليا قلنا العرب متمدنـه والعلـم كلـه نـور لقينا نـاس ياخـولان تبغـا مـن ينورهـا
"
مــضــواح بــــن شــتـــوي
"
عسى لامت ياسالم نصيبك من بنات الحـور ياشايبنا الكبيـر اللـي علومـك ماتغيرهـا
لوّ ان ظهر المطيه مايداني مسـة الباكـور تبان علوم وعلوم رفيـع الشـان يسترهـا
"
ســــالــــم الــعــجــمــي
عسى الله يقبل اللي دعوته تبعد عن المحذور وغيره جعل ربي عن هل الدعـوة يطيرهـا
يهيج البحـر ولا مايهيـج يسافـر البابـور سواتك ماتهمه ف اول الدعوى وف اخرهـا
"
مــضــواح بــــن شــتـــوي
"
عسى الله لايواخذنا ولوّ حن ماشهدنـا زور لكن الناس رب الكـون ينهاهـا ويامرهـا
سلمت ودمت ياالوفي ومن شر الزمن ماجور وبه عربـان نعذرهـا ونـاس مابنعذرهـا