شخصيات اختزنت بالذاكره ولكن تركت لنا الحياه ورحلت من منا لا يعرف صاحب الوجه البشوش الشيخ سالم صباح السالم الصباح الله يرحمه ويغفر له له في الذاكره مشهدآ احتفظت به لفرط سعادتي حينها كانت تلك المره الآولى الذي اشاهده امامي وليس من خلف الشاشات بل وجهاً لوجه عادتاً مايصطحبني ابي معه للدواوين يأتي بأي وقت ويطلب مني الإستعداد للذهاب معه فإن كنت مستعده او يساعدني في ارتداء ثيابي وتصفيف شعري بما اني في زياره لدى بيت جدتي لرؤية والدي والمكوث معه في الويك إند كنت مستعده فآمسك ابي بيدي اليمنى واصطحبني لسيارته السوداء واركبني بجانبه كالعاده ركبنا متجهين لآقرب ديوانيه <--عالم من الهدوء البابا يسوق وطربان ويحاول يضحكني وانا اسمع اغنية راشد الماجد واسرح فيها عاجبني الكلام بس مو متقبلته اقول ليه ابوي يسمع هالإغنيه اكيد يحب <--شوف التفكيييييييييير تغار ع البابا هههههههههههه كان عمري وقتها 6 سنين ودلوعه عند عماني وابوي وجدتي عشان كذا كل مادقت سيارة ابوي سلف خذاني معاه المسجل شغال بصوت راشد الماجد واغنية متيم بالهوا يروي حكاية حب مخفيه <--عرفتوها وانا بعالمي مندمجه وابوي مزعجني لبى قلبه خذينا لنا شوي بالسياره لين وصلنا المكان بيت كبير لكن بسيط لآبعد حد كأنه بيت عربي عادي <--ترا يمكن حجمه عادي بس انا كنت اشوف الآشياء اكبر مني استغربت المكان ما اعرفه جديد علي وطبعا كالعاده كل يوم مكان جديد رايحه له خفت انزل فيه واحد معاه ساطوره و واقف عند الباب وعنده ثلاث خرفان غرقانين بدمهم مدري ليه خفت مع اني اشوف خالي دايم يذبح ويصلخ بس خقيت السبه من الرجال بطه وطوييييل جثه شكبرها قدامي ومعاه ساطوره كبر خشته <--في قلبها تقول يممممه وش ذا الوجه الآمحق واتجود في طرف ثوب ابي داري اني خاقه امشي شوي شوي وانا ابلع ريقي لين دخلنا داخل <--تلفت يمين ويسار تلقي نظره استكشافيه على المكان بيت قديم الى الآن ماعرفت انا عند منووو اسمع البابا يسأل ابوباسل موجود ؟ ابوباسل مين والناس نايمين <--طبعا زي الآطرش بالزفه امشي وانا ساكته دخلنا البيت هدوووووووووووء <--نظره تلف حول المكان رغم الرقي والفخامه داخل البيت اللي مختلفه ميه وثمانين درجه عن شكل البيت الخارجي الا إنه بسيط وحلو ويريح العين فيه ليتات مسكره واضاءه خافته انا قلت اهل البيت ذول مسافرين اكيد شوي ولا تجي وحده بيضاء وماليه هدومها بس ماش ما جازت لي الظاهر قاصر عليها خام مقصره تنورتها <----عجوووووووز وياكثر ماتنقد في سرها طبعا سلمت على ابي شلونك يا ابو فلان شخبارك شلون الآهل عساهم طيبين والبابا يرد عليها بخير الله يسلمج <---قل قسم عاوج حلقه بعد كلهم طيبين ماعليهم وترد ذا اللي فاقعه كبدي خلقه لله في الله الله من هالآموره الحلوه هذي <--------- <---انخشت ورا البابا تستحي <---دخلت بين رجوله هههههههههههههههههههههه هذي فلانه بنتك مشاءالله تبارك الرحمن كبرت <---ياويه وانتي وش عرفش فيني يا ام حلق اعوج اذكرها يوم كان عمرها سنه تهبل شحلاتها محلوه مشاءالله عليها <--لا لا هي تبيني ارضى عليها داريه اني مبغضتها ذا الحين وطيرتني في العجه وبعد حوار ماطول لكن على الواقف ضفت خشتها المودميه اللي ماعرفتها الا تالي شوي ولا بذاك الزول اللي مقبل علينا اعرفه اعرفه اعرفه هذااااا هذااااا ايييييييييييه هذااااا يطلع بالتلفزيون دايم ويسلم على البابا بحفاوه وحراره لم ارى مثلها ويشيلني ويحبني ويسلم علي يالله حي بنيتنا شلونج بابا زينه <--انا مستحيه الناس اللي اعرفهم استحي منهم شلون الآجناب ياليلي الساري <--طبعاً ساااايلنت بس اهز راسي يعني ايه زينه وطبعا سوالف تهبل وحنان ماينوصف ماكنت اعرف اسمه بس عرفت من هو وبعدين قلت لآمي قالت لي هذا الشيخ سالم صباح السالم طبعا هو حزتها كان العصر وقاعد من النوم والديوانيه عنده مليااانه بس ديوانيتهم كوكتيل كلها رياجيل حضران يلوعون الكبد وفيها ثنتين من شفتهم كرهت الحريم والحضر والطامه الكبرى ان المرأه معاها كلب عزكم الله والرجال معاه قطو ليه المفروض الكلب مع الرجال والقطوه مع المرأه <-- على كيفها المهم ماجاز لي الوضع :\ والبابا دخل شاف الثنتين قعد يسب ويلعن مع انه فري بس مدري وش جاه قعد يطق فره فرتين ثلاث لين طلعت وحده وفارقت ام الجريو الأبيض اللي كنت جافله منه وعاقبت ابي ما ادخل ما ادخل ما ادخل المشكله انها ضفت خشتها وجريوها جايزه له القعده قال لي البابا روحي داخل العبي مع فلانه هاه من فلانه ؟؟ انا ماعجبني الإسم ولا اذكر وش هو الوكاد اني رحت وجات المره ام حلق معووج طلعت مرة الشيخ بدريه عبدالله الجابر <--لبى قلب ذا المودمي جعله بالجنه صوتت لبنتها مدري حفيدتها انا اقول لآمي ان البنت اسمها بارعه وامي تقول اكبر منش طيب انا شدخلني اكبر مني ولا اصغر مني هي قالت لي اسمها بارعه وقضيت معاها نص يوم نلعب يعني انا اعرفها اكثر راح الوقت وسارت الساعه ست المغرب البابا طرش علي وطلعت له وردينا البيت لكن الى الآن ما انسى هالرجل صاحب الإبتسامه والقلب الحنون خبر وفاته احزنني جدا بكيت ايام عديده حتى جفت دموعي من تلقاء نفسها كانت تلك الشخصيه من احب الشخصيات لدي ارتبطت صورتها بطفولتي وجزء من ذاكرتي الله يسكنك الجنه ويجمعنا معاك في فردوسها الآعلى
__________________ من قال .. لك ... !؟: إن الألم .. يصنع بدايات الطريق .. !! قلّه .. ترى أكبر .. خطأ ..!! إن الغريق .. ينقذ .. غريق ..!!