السلام عليكم ورحمه الله وبركاته
هذي القصيده بستفتح بها مشاركاتي في المنتدى وانشاء الله تحوز على اعجابكم
ياعرب شاب راسي
انا اشهد انه كايدن مرضي الناس
مايدركه مخلوق لو ه سياسي
ان شافو الرجال فالطيب لا باس
قالو علومه كل ابوها خساسي؟
وان شافو الرجال >كساب نوماس<
ذموه والحقه الحسد كل خاسي
ياويش ايسوي الرجل بين الاقواس
ياغير قولت (ياعرب شاب راسي
(هذا الزمن مملوك لشباه جساس
برماح غدر وذم تهدم رواســـــــي<
اهل الردى في ذمتي دون مقياس
اكثر من اللي تحت رجلي يداسي
يغوون من يلقون في فعل لادناس
يالله تجعلهم بموتن ســــــــــواسي
ماسلم منهم من توقا على الساس
ولا اللي اعلومه تجيب النوماسي
حتى الكريم اللي عطياه نوماس
تجمل وماحصل الا التنـــــاسي
اللي يسوي الطيب في كل الاجناس
يحسب جزاها عند جالي الماسي
واللي تعلى بالفعل فوق نبراس
لابد ساسه طيبن مثل ساسي
ماتعشق النوماس ناسن بلا ساس
واهل الدناوه ماتعشق الراوسي
واعوذ بك يالله من كل وسواس
واطلبك تهديني سوات العفاسي
وسلامتكم
للشاعر تركي بن حصين بن نوره ال رشيد الوعله