السلام عليكم,,,
مساكم ..// صبحكم الله بالخير!
قصيده جديده .. وبأذن الله تعجبكم ..!!
.
.
طبع الزمان يصادفك من بلاويه
وانا اشهد ان فرقاك بلوى زماني
محد(ن) وطا قلبي مثل وطيّتك فيه
صابه سهم حبك من اول ثواني
بعدك عرفت العشق ووّضح معانيه
ومن قبل اعرفك كني انسان ثاني
امسيت في بحر الوله في شواطيه
واصبحت فالقبه وزولك شعاني
لو إن غلاك يعد ماظن تحصيه
ياكيف تحصي حبك اللي بلاني
قلبي معنّى لاتحاول تعنيه
ينزف من اشواق المحبه اماني
ليت القدر يرجع يحقق مناويه
وتبين شمس(ن) غايبه عن كياني
شمس الوليف اللي برا الحال طاريه
والشعر في فرقاه تعب لساني
انا وشعري .. وانتي اللي شغفتيه
مثل الحبال اللي طوال ومتاني
حبل(ن) على عد(ن) تشده سوانيه
دلوه روى والموت صاب السواني
وتقول اني لايح الهم طاويه
لا والله الا همي اللي طواني
...وسلامتكم...