أشهد إني من فراقك حزين ومستصيب
الوصل أربع دقايق وفرقانا شهر
العدو أرحم على الجرح من يد الحبيب
سوّد الله وجه جرح ٍ لاخبيته ظهر
صاحبي لو يثلج الصدر من دمع ونحيب
لو تضمه ثانيه / ماع بيدك وانصهر
الظروف اللي حدتني على برد النصيب
نطقّت سحب السما وإقتلت لين الزهر
مابقى ليل ماهو مظلم وصلف وكئيب
بس باقي ضو كبد ٍ مايطفيها نهر
إن بغيت تغيب خذني معك أبغي أغيب
العمر دونك ليالي حزن عين وسهر !
