¤¤ مرثية ¤¤
((في معيض إبن هامل آل صليع رحمه الله قالها إبنه عوض بن هران آل صليع))
=======================
ياالله تقبل دعاء من هم ينادونك ..
وان أنتهى الاجل ياتيني واناآسالك !
تغفر ذنوب العباد إللي يلبونك ..
وتزين الخاتمه لي كتبت آجالك !
جاني إتصال وزهمني قلت ياعونك ..
أبشر بي وثن لي ضدوك عدوانك !
قال إلحق الخال لاتمشي على هونك..
من بعدها جاء النعت قالوا غدا خالك !
أزهمك ياخال والموت احتجا دونك..
يا الله عسى جنة الفردوس منزالك !
ياخال ربعك وكل إللي يعرفونك ..
تسكب دموع الحزن ياخال من شانك!
ياخال يلي هل الحاجات ينصونك ..
عزوك ثم دبروا من عند بيبانك !
وقفاتك الكايده ياكيف ينسونك ..
وقفات عز ترجح كف ميزانك !
حكيم رآي وشجاع يوم ينخونك ..
حر محنك كريم عند ظيفانك !
وان جاء الحمل للقبيلة تنقل إمتونك..
ورثت طيبك من أجدادك وشيبانك !
اسين ياوجهك الطيب وياعيونك ..
أسين ياالمحزم الظافي لعربانك !
ادعيك ياالله همل صادق إمزونك ..
على قبر خالي وتكسيه ريحانك !
أنبت عليه النفل والعشب وخزومك ..
وسع عليه القبر واسقه من إجنانك !
لو بالفدايا كثير كان يفدونك ..
كنا فديناك وسلمنا من أحزانك !
فرقاك صعبه على ناس يعزونك ..
خيم على دارهم حزنك وفقدانك !
عسى البقا والرجا في من يخلفونك .
الخير بوجيه من عاشوا بذرعانك!
وسلامتكم